រដូវកាលមុនក្លិប Real Madrid បានធ្វើការទាក់ល្បួងយកកីឡាករ Salah ។
ទូរទស្សន៍ Canal+’s បានផ្សាយថា គ្រូបង្វឹក Zinedine Zidane កំពុងធ្វើការក្រាញននៀល ចាប់អារម្មណ៍ទៅលើកីឡាករ សញ្ជាតិអេហ្ស៊ីប ។
គ្រូបង្វឹកនេះក៏ធ្លាប់បានលើកឡើងថា ពិតជាមានទំនាក់ទំនងមួយចំនួនរវាងក្លិប Real Madrid និង Salah ។ ទំនាក់ទំនងដ៏ភ្ញាក់ផ្អើលនេះ ក្រោយពីសារព័ត៌មានអេស្ប៉ាញ AS បានចុះថា Salah អាយុ២៦ឆ្នាំបានទាមទារឲ្យផ្ទេរចេញពី Anfield ក្រោយពីធ្លាក់ការចាប់អារម្មណ៍ពី Jurgen Klopp ។ ប៉ុន្តែក្រោយមករបាយការណ៍នេះត្រូវបានភ្នាក់ងាររបស់គាត់ព្យាយាមលុបចោល ។
Salah ដែលបានស៊ុតគ្រាប់បាល់សម្រេចចំនួន ៥៤គ្រាប់ នៅក្នុងក្របខណ្ឌ Premier League រយៈពេលពីរដូវកាលចុងក្រោយនេះអាចផ្តល់ជូន នូវកម្លាំងថាមពេលជូន Real Madrid នឹងអាចរកឃើញអ្នកជំនួសតំណែង Ronaldo ក្រោយចាកចេញទៅកាន់ Juventus ។
