អ្នកចាត់ការទូទៅក្រុម Leicester City លោក Brendan Rodgers នឹងគាំទ្រឲ្យ Jamie Vardy វិលចូលការប្រកួតក្នុងក្របខណ្ឌលីគកំពូលអង់គ្លេសវិញ ដើម្បីធ្វើឲ្យ ក្រុមManchester City ឈឺចាប់ក្នុងការការពារពានរដូវកាលនេះ។
Pep Guardiola បើសិនជាឈ្នះ Leicester Ciy អាចនឹងវិលត្រលប់ទៅកាន់កំពូលតារាងវិញ ក្នុងការប្រកួតរំលងអធ្រាត្រ ឈានចូលថ្ងៃអង្គារ ។
Rodgers អាចនឹងធ្វើបាននៅក្នុងរាត្រីយប់នេះ ក្រោយឃើញថាអតីតក្លិបដែលលោកធ្លាប់កាន់ គឺហង្សក្រហមមិនលើកពានលីកកំពូលតាំងពីឆ្នាំ ១៩៩០ ហើយគ្រូបង្វឹកអៀរឡង់ខាងជើងរូបនេះកំពុងមានទំនុកចិត្តយ៉ាងខ្លាំង ទៅលើខ្សែប្រយុទ្ធរបស់ចចកលឿង នារាត្រីយប់នេះ ។
Rodgers បានប្រាប់កាសែត UK ថា Vardy បានស៊ុតបាល់បញ្ចូលទី១៨គ្រាប់នារដូវកាលនេះ នៅពេលដែលរៀបក្រុមមួយលេងជាមួយគាត់ អ្នកត្រូវតែមានការប្រុងប្រយ័ត្នខ្ពស់ចំពោះគាត់ ។
លោកបានបន្តថា បើសិនជាអ្នកមិនបានដឹងពីគាត់នោះទេ គាត់នឹងធ្វើឲ្យអ្នកឈឺចាប់ ព្រោះតែគាត់ជាអ្នករកគ្រាប់បាល់បាន ហើយប្រសិនបើអ្នក មើលមិនឃើញពីសមត្ថភាពរបស់គាត់ទេ អ្នកនឹងកាន់តែរងនូវការគំរាមកំហែង ព្រោះគាត់ជាខ្សែប្រយុទ្ធកំពូលមួយរូបដែរ ហើយអ្នកត្រូវតែរកវិធី ទប់ទល់នឹងគាត់។ វាពិតជាអស្ចារ្យ ដែលមានគាត់នៅជាមួយអ្នក ។
Leicester បច្ចុប្បន្នស្ថិតនៅលេខរៀងទី៩ ហើយអាចនឹងលោតទៅកាន់លេខរៀងទី ៨ បើសិនជាឈ្នះក្នុងការប្រកួតនៅរាត្រីយប់នេះ៕
