ខ្សែបម្រើរបស់ក្លិប Real Madrid កីឡាករ Marco Asensio កំពុងរងការរិះគន់ក្រោយទម្រង់លេងធ្លាក់ចុះ ហើយគាត់បានឆ្លើយតបថា គាត់មិនមែនជាមេដឹកនាំក្លិបនោះទេ ។
កីឡាករអាយុ ២២ឆ្នាំរូបនេះ បានខិតខំព្យាយាមលេងដើម្បីទទួលបានទម្រង់លេងដ៏ល្អសម្រាប់ក្រុម Real Madrid នៅរដូវកាលនេះ ទោះបីជាលោក Santiago Solari ត្រូវបានតែងតាំងជាអចិន្ទ្រៃយ៍កាលពីថ្ងៃអង្គារក៏ដោយ ។
ក្លិបអធិរាជសបច្ចុប្បន្នស្ថិតនៅលេខរៀងទី ៦ នៃតារាង ប៉ុន្តែចាញ់គូប្រជែង ៤ពិន្ទុប៉ុណ្ណោះ គឺក្លិប Barcelona តែម្តង។
Marco Asensio បានចូលលេងក្នុងរដូវកាលទី៣ ជាមួយក្លិប ប៉ុន្តែគេជឿជាក់ថាមិត្តរួមក្រុមរបស់លោក ទទួលបាននូវការទទួខុសត្រូវខ្ពស់ជាង ។
កីឡាករបម្រើវ័យក្មេងខាងលើបានប្រាប់ Vamos ថា សម្រាប់ខ្ញុំ ខ្ញុំមិនឃើញ Real Madrid ស្ថិតក្នុងវិបត្តិនោះទេ ហើយខ្ញុំមិនមែនជាអ្នកដឹកនាំក្រុម នោះដែរ នៅទីនេះមានកីឡាករដែលមានបទពិសោធន៍ច្រើនជាងខ្ញុំ នឹងធ្លាប់ហែលឆ្លងការលើកពានជាច្រើន នោះហើយពួកគេជាអ្នកដឹកនាំក្រុម ។
លោកបន្តថា នៅពេលដែលគ្រូបង្វឹកថ្មីមកដល់ ខ្ញុំបានតិច ប៉ុន្តែយើងនឹងធ្វើការសន្និដ្ឋានណាមួយ នៅពេលដែល រដូវកាលបានបញ្ចប់ ។
និយាយពីទម្រង់ផ្ទាល់ខ្លួនរបស់គាត់ កីឡាករ Asensio បានបន្តថា នៅពេលអ្វីៗដំណើរការល្អ ពួកគេបានចាប់ផ្តើមនិយាយថាល្អបំផុត ប៉ុន្តែនៅពេលដែលអ្នកមានកំហុសតិចតួចភ្លាមៗ អ្នកគឺជាមនុស្សដែលអាក្រក់បំផុត ។
លោកបានបន្តថា ការរិះគន់ខ្លះវាត្រឹមត្រូវ និងខ្លះទៀតវាមិនត្រឹមត្រូវនោះទេ ប៉ុន្តែយើងដឹងពីរបៀបដែលសារព័ត៌មានធ្វើការនៅទីនេះ ប៉ុន្តែមិនចង់ឲ្យ អ្នករាល់គ្នារួមគ្នារិះគន់សំដៅលើពួកយើង ដែលធ្វើឲ្យមានរឿងកាន់តែអាក្រក់កើតឡើង។
ទោះបីជាយ៉ាងណាខ្ញុំមិនយកចិត្តទុកដាក់ចំពោះរឿងនេះនោះទេ ព្រោះថាខ្ញុំមានរឿងត្រូវផ្តោតលើ វាមិនប៉ះពាល់ខ្ញុំនោះទេ ៕
