Diego Maradona បានលើកឡើងថា គ្រូបិសាចក្រហម Jose Mourinho គឺល្អជាង គ្រូបង្វឹកក្លិបមេឃខៀវ Manchester City លោក Pep Guardiola ។
Guardiola បានដឹកនាំក្រុមឈ្នះពានរដូវកាលមុន និងកំពុងព្យាយាមលើកពានម្តងទៀតនារដូវកាលនេះ ខណៈដែលគ្រូបង្វឹកបិសាចក្រហម កំពុងស្ថិតក្នុងស្ថានភាពតែលតោល តស៊ូធ្វើយ៉ាងណាឲ្យបានត្រឹមលេខ ៤ ក្នុងតារាង ។
ទោះបីជាយ៉ាងណា Maradona បានជឿជាក់ថា អតីតគ្រូ Real Madrid តោខៀវ Inter គឺជាគ្រូបង្វឹកដ៏ល្អបំផុតនៅលើពិភពលោក។
Diego Maradona បានប្រាប់សារព័ត៌មាន Marca ថាសម្រាប់ខ្ញុំ Mourinho ជាគ្រូបង្វឹកល្អ ។ សម្រាប់ Pep បានចាប់ផ្តើម ជាមួយអ្វីដែលលោក Johan Cruyff បានផ្តល់ឲ្យគាត់ ហើយសម្រាប់ tiki-taka មិនត្រូវបានបង្កើតដោយលោក Guardiola ទេវាគឺជា Flaco ‘Cruyff ។
នៅពេលនេះលោក Pep អាចជ្រើសរើសកីឡាករណាម្នាក់នៅក្នុងពិភពលោកដែលរូបគេចង់បានហើយតាមវិធីនោះ Tiki-taka កាន់តែងាយស្រួល»។
អតីតកីឡាករអាហ្សង់ទីនេះនេះថា សម្រាប់ខ្ញុំជាគ្រូបង្វឹកខ្ញុំត្រូវរៀនសូត្រច្រើនណាស់ ហើយសម្រាប់ហេតុផលនេះ ខ្ញុំនឹងទៅទស្សនកិច្ចនៅ Manchester ដើម្បីសួរនាំ Mourinho ជាមួយរឿងជាច្រើនក្នុងការដឹកនាំ ។ ព្រោះតែគាត់ល្អបំផុត ដោយគ្មានការសង្ស័យនោះទេ៕
