Wayne Rooney បានធ្វើការច្រានចោលក្នុងការខ្ចីជើងទៅលេងក្នុងក្របខណ្ឌ Premier League ក្នុងទីផ្សារដោះដូរនាខែ មករា ខាងមុខ និងមានបំណងប្រាថ្នាចង់បញ្ចប់អាជីព បាល់ទាត់នៅលើទឹកដីសហរដ្ឋអាម៉េរិកតែម្តង។
Rooney បានចូលរួមលេងជាមួយ DC United កាលពីខែមិថុនា ហើយបានជួយឲ្យក្រុមនេះ ក្នុងការប្រកួត MLS’ Eastern Conference ក្នុងវគ្គសន្សំពិន្ទុផងដែរ។
កីឡាករអាយុ ៣៣ឆ្នាំរូបនេះ កំពុងមានទំនាក់ទំនង ជាមួយក្លិបនៅអង់គ្លេស វិញ ប៉ុន្តែគាត់គ្មានបំណងប្រាថ្នា រើគ្រួសារម្តងទៀតនោះទេ ។
អតីតកីឡាករបិសាចក្រហមរូបនេះថា ខ្ញុំបានសម្រេចចិត្តទៅសហរដ្ឋអាម៉េរិក នៅពេលដែលខ្ញុំសម្រេចចិត្ត គឺខ្ញុំបានគិតរួចរាល់ហើយ ព្រោះវាមានសារៈប្រយោជន៍ ដែលធ្វើឲ្យខ្ញុំតាំងចិត្តជាមួយ DC ។ នៅទីនេះមានការស្នើសុំ ឲ្យខ្ញុំវិលទៅវិញ ក្នុងលក្ខណៈខ្ចីជើង ជាមួយគ្នានេះដែរ ខ្ញុំមិនធ្វើវានោះទេ ព្រោះគ្រួសាររបស់ខ្ញុំបានតាំងលំនៅស៊ុបនៅទីនេះហើយ ហើយកូនៗរបស់ខ្ញុំក៏បានចូលសិក្សានៅទីនេះដែរ ។គាត់បានបន្ថែមថាគាត់នឹងបញ្ចប់អាជីពបាល់ទាត់នៅទីនេះ។
Rooney បានចុះកុងត្រា ៣ឆ្នាំកន្លះជាមួយ DC United ក្រោយពេលចាកចេញពី Everton ៕
