លោក Bruce Buck ប្រធានក្លិបតោខៀវ Chelsea បាននិយាយថា កីឡាករ Eden Hazard នឹងត្រូវផ្តល់នូវកិច្ចព្រមព្រៀងដ៏ធំមួយ ជាមួយក្រុមតោខៀវ ដើម្បីរារាំងក្នុងការដេញថ្លៃរបស់ Real Madrid ។
តារាបាល់ទាត់បែលហ្សិករូបនេះស្ថិតក្នុងទម្រង់លេងដ៏អស្ចារ្យនារដូវកាលនេះ ដ៏គួរឲ្យភ្ញាក់ផ្អើល ជាពិសេសជួយក្រុមជម្រើសជាតិឡើងទៅកាន់ការប្រកួតដ៏ធំមួយនៅ World Cup ។Eden Hazard អាយុ ២៧ឆ្នាំក៏រកគ្រាប់បាល់បាន៨គ្រាប់ នារដូវកាលនេះជូនតោខៀវនារដូវកាលនេះ ។
លោក Buck បាននិយាយនៅក្នុងកម្មវិធី Financial Times ថា អ្នកគាំទ្រទាំងអស់នៅទីក្រុងឡុងដ៏ និងជាពិសេសនៅជុំវិញពិភពលោកស្រលាញ់ អេដែន ហើយខ្ញុំគិតថាគាត់មិនត្រឹមតែជាកីឡាករដ៏អស្ចារ្យនោះទេ តែថែមទាំង បុរសវ័យក្មេងដ៏អស្ចារ្យផងដែរ។ លោកបានបន្ថែមទៀតថា យើងនឹងធ្វើអ្វីដែលយើងត្រូវធ្វើ ដើម្បីល្បួងគាត់ឲ្យនៅលេងជាមួយយើងបន្ត។ ហើយសូមរងចាំមើលថាវានឹងមានអ្វីកើតឡើង ចន្លោះនេះ ដោយរាប់ចាប់ពីពេលឥឡូវនឹងបញ្ចប់រដូវកាល។
ដោយឡែក Hazard ធ្លាប់បាននិយាយថា: “Chelsea មានភាពច្បាស់លាស់ជាមួយខ្ញុំ ខ្ញុំមិនអាចចាកចេញពីក្លឹបបានទេខ្ញុំបានទទួលយកវា៕
