ខ្សែបម្រើរបស់ក្លិប Atlético Madrid កីឡាករ Saul Niguez បានលើកឡើងថា គាត់មិនមានចំណាប់អារម្មណ៍ ក្នុងការចាកចេញពី ក្រុម លោក Diego Simeone នោះទេ ហើយគាត់ចង់បន្តលេងឲ្យក្រុម Los Rojiblancos រហូតដល់ចូលនិវត្តន៍ បើទោះបីជាមានការចាប់អារម្មណ៍ពីក្លិប Barcelona ក្តី ។
Saul បានចូលខ្លួនលេងជាមួយ ក្លិប អំឡុងឆ្នាំ 2013/14 ហើយក៏បានក្លាយជា key Player របស់គ្រូបង្វឹកចាប់តាំងពីពេលនោះមក ។
កាលពីខែកក្កដា កីឡាករវ័យ ២៣ ឆ្នាំនេះ បានកុងត្រាជាមួយក្លិបរយៈពេល ៩ ឆ្នាំដែលជាកុងត្រារយៈពេលវែងជាគេបំផុត ក្នុងប្រវត្តិសាស្ត្របាល់ទាត់ ដែលមានន័យថាគាត់នឹងបន្តលេងនៅ Wanda Metropolitano រហូតដល់ខែមិថុនា ឆ្នាំ ២០២៦ ។
នៅក្នុងស្ថានីយ៍វិទ្យុ Radio Nacional Espana នៅពេលដែលមានការចោទសួរសំនួរថា តើលោកនឹងបញ្ចប់អាជីពនៅ Atlético Madrid ? លោកក៏បានឆ្លើយថា នោះជាមូលហេតុដែលខ្ញុំកុងត្រារយៈពេលវែងឆ្ងាយយ៉ាងដូច្នោះ ។ នោះជាបំណងប្រាថ្នាខ្ញុំ នឹងរួមរស់ជាមួយ At នៅក្នុងពិភពបាល់ទាត់អ្នកមិនដឹងនោះទេ តែខ្ញុំចង់ចូលនិវត្តន៍នៅទីនេះ ។
Saul បានបង្ហាញខ្លួនលេងជាមួយក្លិបកាលពីរដូវកាលមុន ៥៦ ប្រកួត ជួយឲ្យក្លិបឈ្នះពាន Europa League និងធ្វើឲ្យ AT ស្ថិតនៅលេខរៀងទី ២ នៃតារា La Liga ។ កីឡាករអេស្ប៉ាញរូបនេះក៏បានជួយឲ្យក្លិបឈ្នះពាន UEFA Super Cup ឆ្នាំ ២០១៨ មុនបើករដូវកាលផងដែរ៕
