គ្រូបង្វឹករបស់ជម្រើសជាតិព័រទុហ្កាល លោក Fernando Santos បានធ្វើការច្រានចោលចំពោះការផ្តល់យោបល់ថា ក្រុមលោកលេងបានល្អប្រសើរ ដោយសារតែអវត្តមានកីឡាករ Ronaldo ក្រោយពីការឈ្នះ 3-2 លើក្រុមប៉ូឡូញ ។គ្រាប់បាល់ទាំងបីគ្រាប់របស់ ព័រទុហ្កាល រកបានដោយ Andre Silva និងBernardo Silva ខណៈដែលគ្រាប់បាល់មួយគ្រាប់ទៀតជាគ្រាប់បាល់អនហ្គោលរបស់ Kamil Glik ។
Ronaldo មិនត្រូវបានជ្រើសរើសការប្រកួតលក្ខណៈអន្តរជាតិ នោះទេ ដោយសារមានការចោទប្រកាន់ពីបទរំលោភសេពសន្ថវៈ ហើយបុរស ៣៣ ឆ្នាំរូបនេះបានធ្វើការបដិសេធយ៉ាងធ្ងន់ធ្ងរ បន្ទាប់ពីមានឧបទ្ទេវហេតុមួយ នៅសណ្ឋាគារ Las Vegas កាលពីឆ្នាំ ២០០៩ ។
ជុំវិញការឈ្នះនេះ មានការផ្តល់យោបល់ថា ដោយសារតែគ្មានវត្តមាន CR7 ប៉ុន្តែលោក Fernando Santos បានលើកឡើងថា ក្រុមរបស់គាត់ មិនមានភាពល្អប្រសើរឡើយ បើគ្មានវត្តមានកីឡាកររបស់ Juventus រូបនេះ។
លោក Santos បានប្រាប់សារព័ត៌មានថា គ្មានក្រុមណាមួយប្រសើរជាងនេះនោះទេ បើគ្មានកីឡាករឆ្នើមៗ នៅលើពិភពលោកនោះទេ វាគ្មានតម្លៃនិយាយអំពីអ្នកដែលមិនមាន ។ លោកបានបន្ថែមថា នៅពេលដែលមានវត្តមាន Ronaldo បញ្ហាផ្នែកខាងឆ្វេង មានភាពប្រសើរ ហើយផ្តល់នូវសមត្ថភាពមួយទៀតគឺបញ្ចប់ទី ៕
