ក្លិប Monaco បានធ្វើការបណ្តេញគ្រូបង្វឹក Leonardo Jardim បន្ទាប់ពីឈ្នះតែមួយប្រកួត នៅក្នុងលីគកំពូលប្រទេសបារាំង នារដូវកាលក្តៅនេះ ។Jardim ធ្លាប់បានដឹកនាំក្រុម ឲ្យលើកពាននៅឆ្នាំ 2016/17 ហើយដឹកនាំក្លិបឈានទៅកាន់វគ្គពាក់កណ្តាលព្រ័ត្រ Champions League ក្នុងឆ្នាំដដែល ។
ប៉ុន្តែអ្វីដែលធ្វើឲ្យក្លិបនេះធ្លាក់កូដយ៉ាងខ្លាំង បន្ទាប់ពីលក់ចេញនូវកីឡាករវ័យក្មេងមានទេពកោសល្យជាច្រើនដូចជា Kylian Mbappe, Bernardo Silva, Thomas Lemar, Fabinho និង Benjamin Mendy ជាដើម ។
ការដឹកនាំរបស់ Leonardo Jardim នៅរដូវកាលនេះ បានធ្វើឲ្យក្លិបធ្លាក់ទៅកាន់លេខរៀងទី ១៨ ស្ថិតក្នុងតំបន់កាត់ចេញ ដោយមាន ៦ ពិន្ទុក្នុងដៃ ក្នុងចំណោម ៩ ប្រកួត ។ អ្វីដែលកាន់តែផ្តោតអារម្មណ៍មែនទែននោះ គឺថា ចាញ់ការប្រកួត Atletico Madrid និង Borussia Dortmund នៅ Champions League ធ្លាក់បាត់ពូល A តែម្ត។
ថ្លែងប្រាប់ទំព័រវិបសាយក្លិប លោក jardim បានលើកឡើងថា ខ្ញុំពិតជាមានមោទនភាពណាស់ ដែលបានធ្វើការជាគ្រូបង្វឹកនៅ AS Monaco ក្នុងរយៈពេល ៤ឆ្នាំ ។ ខ្ញុំតែងតែធ្វើការយ៉ាងល្អ ជាមួយភាពស្រេកត្រអាលរបស់ខ្ញុំ យើងបានទទួលជោគជ័យខ្លះ ហើយខ្ញុំនឹងរក្សាភាពចងចាំនេះទុក៕
