Alisson អ្នកចាំទីក្លិបហង្សក្រហម បានបង្ហាញពីអារម្មណ៍សោកស្តាយនិងខកចិត្ត បាត់បង់ឱកាសលេងប៉ះជាមួយ Ronaldo ប៉ុន្តែលោកសង្ឈឹម ថាហង្សក្រហមអាចនឹងជួប Juventus នៅ Champions League ។
Ronaldo បានផ្លាស់ទៅកាន់ Juventus ៩ថ្ងៃមុន Alisson បានបញ្ចប់ការផ្ទេរ ចាកចេញពីក្របខណ្ឌ Serie A ដោយក្រុម Roma បានព្រមព្រៀង លក់គាត់ក្នុងតម្លៃ ៦៧ លានផោនមកឲ្យហង្សក្រហម។
Alisson ថា «Juventus នឹងកាន់តែមានភាពរឹងមាំ ក្រោយយក Ronaldo មកកាន់ទីនេះ តែពេលនេះខ្ញុំសោកស្តាយដែលមិនអាចប្រជែងជាមួយ គាត់ក្នុងលីគ ប៉ុន្តែសង្ឈឹមថា នឹងជួបគ្នាក្នុងក្របខណ្ឌ Champions League » ។ អ្វីដែលខ្ញុំ សរសើរ CR7 គឺចិត្តគំនិតចង់ឈ្នះពាន ជាមួយទេពកោសល្យរបស់គាត់៕
