Kylian Mbappe បានក្លាយជាកីឡាករដែលជោគជ័យវ័យក្មេងបំផុតនៅលើពិភពលោកនាពេលបច្ចុប្បន្ន ហើយក៏ជាម្ចាស់ពានអនាគតរបស់ Ballon d’Or ។ កីឡាករបារាំងវ័យក្មេងរូបនេះបានភ្លឺត្រចេះត្រចង់តាមរយៈលេងឲ្យក្លិប AS Monaco, Paris Saint-Germain ជាពិសេសជួយឲ្យបារាំងលើកពាន ពិភពលោកឆ្នាំ ២០១៨ នៅរុស្ស៊ី។
កីឡាករអាយុ ១៩ឆ្នាំរូបនេះត្រូវបានសារព័ត៌មាន The Sun ចុះផ្សាយថា ក្លិបការពារតំណែងជើងឯកអង់គ្លេស Man City បានត្រៀមបំបែកឯកត្តកម្មមួយទៀតគឺចំណាយ ២០០លានផោន សម្រាប់កីឡាករបារាំងដើម្បីក្លាយខ្លួនជាកីឡាករថ្លៃបំផុតនៅលើពិភពលោក បន្ទាប់ពី Neymar ។ក្រឡេកទៅកាន់ PSG វិញ គេឃើញថា Kylian Mbappe បានកុងត្រារយៈពេលវែងជាមួយក្លិប ក្នុងតម្លៃខ្លួន ១៦២លានផោន៕
