អតីតប្រធានក្រុម និងជាកីឡាករជើងចាស់តោខៀវ Chelsea លោក John Terry វិលមកកាន់តោខៀវវិញ ក្នុងនាមជាគ្រូបង្វឹកបណ្តុះបណ្តាល កីឡាករថ្នាលអាយុ ក្រោម២៣ឆ្នាំ បន្ទាប់ពីទាក់ទងដោយ គ្រូបង្វឹកធំ Maurizio Sarri ។
កីឡាករវ័យ ៣៧ឆ្នាំរូបនេះបច្ចុប្បន្នកំពុងលេងនៅក្នុងក្រុម Aston Villa ស្ថិតក្នុងក្របខណ្ឌ Championship ហើយកិច្ចសន្យារបស់គាត់នឹងបញ្ចប់នៅរដូវកាលក្តៅនេះ ហើយគាត់ក៏ត្រូវបានទាក់ទងទៅលេងនៅរុស្ស៊ីផងដែរ ប៉ុន្តែកិច្ចសន្យានេះនឹងត្រូវផ្លាស់ប្តូរ ក្រោយអតីតកីឡាករខាងលើប្រែចិត្ត។
អតីតកីឡាករតោខៀវ ខាងលើនឹងសម្រេចចិត្តព្យួរទ្រនាប់ជើង ប៉ុន្តែមិនមែនបានន័យថាគាត់ឆ្ងាយពីបាល់ទាត់នោះទេ គឺត្រូវដឹកនាំក្រុមថ្នាលរបស់ តោខៀវ។
John Terry មកគ្រប់គ្រងកីឡាករអាយុ ក្រោមអាយុ ២៣ឆ្នាំនេះ ដោយទទួលបានទឹកប្រាក់ ៨សែនផោនក្នុងមួយឆ្នាំ ។ ការចូលខ្លួនមកដឹកនាំនេះ ក្រោយអតីតមិត្តរួមក្រុម Jody Morris បានចាកចេញទៅធ្វើជំនួយការ Frank Lampard នៅក្លិប Derby County។
