វាបានក្លាយជាសុបិនអាក្រក់មួយសម្រាប់ Ronaldo ក្នុងការប្រកួតដណ្តើមពានរង្វាន់ ក្របខ័ណ្ឌ Champions League សម្រាប់ក្លឹប Juventus នៅពេលដែលកីឡាករឆ្នើមរបស់ព័រទុហ្កាល និងពិភពលោករូបនេះបានទទួលកាតក្រហម ក្នុងពេលអំឡុងការប្រកួតជាមួយ Valencia កាលពីថ្ងៃពុធ ដែលជាម៉ោងក្នុងតំបន់ ហើយការផ្តល់កាតនេះដែរ បានធ្វើឲ្យមានភាព ស្រពិចស្រពិលនៅឡើយ ។
Murillo ដែលជាកីឡាកររបស់ក្លិប Valencia បានដួលក្នុងតំបន់គ្រោះថ្នាក់ ហើយ Ronaldo បានបង្ហាញអាកប្បកិរិយា ខឹងយ៉ាងខ្លាំងចំពោះការបង្ហាញសកម្មភាពដួល ដ៏បំផ្លើសនេះ ដោយពេលនោះ Ronaldo ដូចជាយកដៃអង្អែលក្បាល ឬចាប់សក់ ដែលជាហេតុឆ្លើយតបភ្លាមចំពោះអាជ្ញាកណ្តាល ដកកាតក្រហម ផ្តល់ឲ្យតែម្តង ធ្វើឲ្យ ម្ចាស់ពាន ៥សម័យកាលBallon d’Or ស្រក់ទឹកភ្នែក ម៉ាត់ៗ ។
ការផ្តល់កាតក្រហមនេះ ត្រូវបានទស្សនិកជនស្នេហាវិស័យបាល់ទាត់បានលើកឡើងថា ជាការផ្តល់ឲ្យដ៏កខ្វក់ និងអយុត្តិធម៌បំផុត ដែលមិនសមតុល្យ នោះទេ។
Steven Gerrard v Manchester United, March 2015
ក្នុងការប្រកួតរវាង Liverpool និង Man United កាលពីថ្ងៃទី២២ ខែមីនា ឆ្នាំ២០១៥ គឺមានមានរឿងមិនគួរឲ្យជឿ ដោយ ប្រធានក្រុមហង្សក្រហមLiverpool ទទួលបានកាតក្រហម អំឡុងពេលដែល Ander Herrera ដណ្តើមបាល់ហើយក៏ភ្លាត់ស្នៀតដួល ហើយ Steven Gerrard ក៏បានជ្រុលជាន់ជើង ជាហេតុរហូតដល់ទទួលបានកាតក្រហម ។
Eric Cantona v Crystal Palace, January 1995
រឿងដែលមិនអាចបំភ្លេចបាន មួយក្នុងក្របខណ្ឌ Premier League ដោយ Eric Cantona បានធ្វើរឿងដ៏ឆ្កួតមួយ ក្រោយពីអាជ្ញាកណ្តាល ផ្តល់កាតបណ្តេញចេញក្រៅទីលានខុសបច្ចេកទេស ក៏ធ្វើឲ្យកីឡាករបារាំងខាងលើ បានប្រើក្បាច់កុងហ្វូ លោតធាក់អ្នកគាំទ្រ Crystal Palace ។
ទោះបីជាការផ្តល់កាតខុសបច្ចេកទេសបណ្តេញចេញ ដែលជារឿងអយុត្តិធម៌ តែអ្វីដែលកាត់សេចក្តីនោះរឿងប្រើហិង្សា រហូតជាប់ព័ន្ធនាគាររយៈពេល ២សប្តាហ៍ នឹងមិនឲ្យបង្ហាញខ្លួនលេងបាល់រយៈពេល ១២០ម៉ោង។
Gianluigi Buffon v Real Madrid, April 2018
Champions League កាលពីរដូវកាលមុនក្នុងវគ្គ វគ្គពាក់កណ្តាលផ្តាច់ព្រ័ត្រ Juventus បានស្លាប់ខ្លួនដោយសារតែបញ្ហាចម្រូងចម្រាស់ ជុំវិញការបង្កកំហុសរបស់ខ្សែការពារចំពោះ Ronaldo មុខទីតែម្តង ហើយអាជ្ញាកណ្តាលសម្រេចឲ្យ ប៉េណ័លទី ។ អ្វីដែលកតសម្គាល់នោះ Buffon បានដឹកនាំក្រុមសើចចំអកចំពោះអាជ្ញាកណ្តាល ដោយធ្វើការតវ៉ា រហូតដល់លោក Michael Oliver ដកកាតក្រហមបណ្តេញចេញ ។ នេះជារឿងអាក្រក់បំផុតសម្រាប់អាជីពរបស់ Buffon រហូតដល់បញ្ចប់អាជីពនៅទីនេះ ហើយបច្ចុប្បន្នទៅរួមរស់ជាមួយ PSG ។
David Beckham v Argentina, June 1998
ក្នុងការប្រកួត World Cup 1998 David Beckham បានជួយឲ្យអង់គ្លេសឡើងទៅកាន់វគ្គបន្ត ១៦ ក្រុមចុងក្រោយ ប៉ះអាហ្សង់ទីន ប៉ុន្តែអ្វីដែលគួរឲ្យសោកស្តាយអំឡុងពេលដែល ប្រកួតជាមួយអាហ្សង់ទីន ដោយកីឡាករអាហ្សង់ទីនបានដណ្តើមបាល់បុកពីក្រោយ ធ្វើឲ្យ David Beckham ដួលស្ពាបដេកនឹងស្មៅ តែអ្វីដែលគួរឲ្យសោកស្តាយ Beckham បានព្យាយាមក្រវ៉ាត់កែងជើង បណ្តាលឲ្យប៉ះកំភួនជើង Diego Simeone នៅមុខអាជ្ញាកណ្តាល រហូតដល់ទទួលបានកាតក្រហម។
Zinedine Zidane v Italy, July 2006
ការប្រកួត World Cup 2006 អំឡុងពេលដែលបារាំង ប្រកួតស្មើជាមួយអ៊ីតាលី 1-1 ស្រាប់តែ Marco Materazzi បាននិយាយរឿងអ្វីមួយ ទៅកាន់ ហ្ស៊ីដាន់ ធ្វើឲ្យកីឡាកររូបនេះខឹងយ៉ាងខ្លាំង ។ អតីតខ្សែបម្រើ Juventus បានងាកមកមើលខ្សែការពារ Italy វិញ ហើយយកក្បាលបុកទ្រូង រហូតអាជ្ញាកណ្តាលពិន័យកាតក្រហមតែម្តង ដែលជាហេតុធ្វើឲ្យ អ៊ីតាលីលើកពាន។
