បើទោះបីជាទីផ្សារកីឡាករបានបិទជាផ្លូវការ ហើយព័ត៌មានរវាងក្លិប និងកីឡាករ នៅតែបន្ត មិនស្ងប់ស្ងាត់ ព្រោះតែក្លិបធំៗនៅតំបន់អឺរ៉ុប មិនទាន់ស្រេចបាច់ក្នុងទីផ្សារដោះដូរនៅឡើយ ។
បើតាមព័ត៌មានចុងក្រោយរបស់ The Sun បានញ្ជាក់ថា អ្នកការពារជើង ឯក La Liga ក្លិប Barcelona គឺបានចាប់អារម្មណ៍ទៅលើខ្សែបម្រើ Atletico Madrid គឺកីឡាករ Saul Niguez ។
តាមពិត Barcelona បានព្យាយាម ទាក់ទងកីឡាករនេះ តាំងពីរដូវកាល 2016/2017 តែបរាជ័យ ។ សម្រាប់ពេលនេះវិញ Barca បានប្រើកញ្ចប់ថវិកា ចំនួន ១៣៤ លានផោន ដើម្បីទិញ កីឡាករវ័យ ២៣ឆ្នាំរូបនេះ ។
គួរបញ្ជាក់ផងដែរថា ក្នុងអំឡុងពេលប្រកួត Super Cup កីឡាករ Saul Niguez បានជួយឲ្យ AT ឈ្នះ Real ក្នុងលទ្ធផល 4-2 ៕
