REAL MADRID កំពុងធ្វើការពិភាក្សា នឹងសម្រេចចិត្តនាំយកកីឡាករល្បី១ ក្នុងចំណោមពីររូបមកកាន់ទឹកដីរបស់ខ្លួន នៅរដូវកាលក្រោយ ។
ប្រភពព័ត៌មាន AS បានចេញផ្សាយថា កីឡាករល្បី១រូបក្នុងចំណោមពីររូប នឹងនាំយកមក ក្រោយការសិក្សាទៅលើហិរញ្ញវត្ថុរបស់ក្លិប Real Madrid ហើយបេក្ខភាពចំនួនពីររូប ដែលគួរយកមកកាន់ទឹកដី Bernabeu នៅរដូវកាលក្រោយនេះគឺ Neymar ឬ Kylian Mbappe ប្រសិនបើ លោក Florentino Perez ធ្វើការសម្រេចចិត្ត ។
ប្រភពព័ត៌មានខាងលើបានបន្តថា Real មានទឹកប្រាក់ដើម្បីធ្វើការស្នើសុំទិញកីឡាករ១ក្នុងចំណោមពីរនាក់នោះ គឺ ១៦៩ លានផោន និងអាចលើសពីនេះ ដែលបូកបញ្ចូលទឹកប្រាក់បន្ថែមទៀត ១៦២ លានផោន មានន័យថា Real អាចនឹងជះទឹកប្រាក់សរុប ៣៣១ លានផោន ហើយលោក Perez ក៏បានអះអាងថានឹងនាំយក តារាបាល់ទាត់កំពូលល្បី ផងដែរ។ក្នុងនោះលោក Perez ក៏បានកំណត់ថានឹងយក Galactico(ប្រភេទកីឡាករល្បី និងថ្លៃបំផុត) ពីររូបរួចរាល់ហើយ ។
បើមើលស្ថានភាពជាក់ស្តែង កីឡាករដែលអាចជាប់ជម្រើសក្នុងតម្លៃ ៣៣១ លានផោន របស់ Perez គឺ Neymar ដែលកំពុងល្បីល្បាញ ក្នុងទឹកដី PSG ៕
