Dele Alli និង Hugo Lloris នឹងមិនចូលរួមយុទ្ធនាការទទួលភ្ញៀវ ហង្សក្រហម Liverpool ដែលធ្វើឡើងនៅថ្ងៃសៅរ៍ អំឡុងពេលដែលអ្នកទាំងពីរកំពុងមានបញ្ហារបួស ។
Lloris មានជាប់ទាក់ទិនរឿង ស្រវឹងបើករថយន្ត ហើយពេលនេះក៏មានបញ្ហារបួសត្រង់ភ្លៅ ដែលត្រូវសម្រាកជាច្រើនសប្តាហ៍ ក្រោយគាត់បានជួយឲ្យ មាន់ខ្នាយមាស យកឈ្នះ Manchester United ។
លោក Mauricio Pochettino អ្នកចាត់ការទូទៅក្លិបមាន់ខ្នាយមាស Spurs ក៏បានលើកឡើងផងដែរថា Dele Alli នឹងមានសំណាងតិចតួច ក្នុងការចូលលេង ដោយមានបញ្ហារបួសតិចតួច បន្ទាប់ពីលេងបាន ២០នាទី ជួបជាមួយអេស្ប៉ាញ កាលពីសប្តាហ៍មុន ។
អ្នកចាត់ការទូទៅខាងលើបានបន្តថា ជារឿងគួរសោកសា្តយ យើងនឹងបាត់បង់គាត់ ក្នុងការប្រកួតនេះ ហើយនឹងវិលមកវិញ ពេលជួប Inter Milan សម្រាប់ពាន Champions League តែវាមិនមែនជាបញ្ហាធំនោះទេ៕
