លីគកំពូលអង់គ្លេស ជាលីគដែលមានប្រជាប្រិយភាពយ៉ាងខ្លាំង ហើយក៏មាន ៦ ក្លិបធំៗ (Manchester City, Manchester United, Liverpool, Chelsea, Tottenham Hotspur, Arsenal) ដែលបានវិវត្តន៍ខ្លួន ទៅជាក្លិបដ៏ល្អ ដែលបានបង្ហាញពីទម្រង់លេង ដ៏ល្អជាច្រើនឆ្នាំមកនេះ។
ខាងក្រោមនេះដែរជាកីឡាករលេងក្នុងតំបន់បម្រើល្អ នៅលីគអង់គ្លេស៖
Mesut Ozil (Arsenal)
កីឡាករអាល្លឺម៉ង់វ័យ ២៩ ឆ្នាំនេះជាបម្រើដ៏ល្អទាំងក្លិបនិងពិភពលោក បច្ចុប្បន្នជាកីឡាកររបស់កាំភ្លើងធំ Arsenal ។ អ្វីដែលធ្វើឲ្យ កីឡាកររូបនេះ ជាប់ខ្សែបម្រើល្អ ដោយសារតែបច្ចេកទេសលេង និងការបញ្ចូនបាល់ច្បាស់ក្នុងទិសដៅ ហើយក៏ជាកីឡាករដែលបង្កគ្រោះថ្នាក់ សម្រាប់គូប្រជែង ទាំងក្នុងលីគ និងលើពិភពលោក។
![](http://cdn.obnasia.com/2018/09/Arsenal.jpg)
Christian Eriksen (Tottenham Hotspur)
គាត់មិនសូវទទួលបានការចាប់អារម្មណ៍នោះទេនៅលើពិភពលោក ប៉ុន្តែទើបតែឆ្នាំ ២០១៨ បង្ហាញខ្លួនលេងនៅ World Cup យ៉ាងល្អ ជាពិសេសរដូវកាលមុនគាត់រកបាន ១០គ្រាប់ និង បញ្ចូនបាល់ឲ្យមិត្តរួមក្រុមសម្រេចទី បាន ១០គ្រាប់។
កីឡាករវ័យ ២៦ ឆ្នាំសញ្ជាតិដាណឺម៉ាក ជាដៃគូដ៏សំខាន់ក្នុងការលេងជាមួយ Dele Alli ។
![](http://cdn.obnasia.com/2018/09/Spus.jpg)
Fabinho (Liverpool)
រដូវកាលមុន ហង្សក្រហមលេងបានល្អ ដោយមានខ្សែការពារល្អ ជាពិសេសតំបន់បម្រើកណ្តាល ។ ហើយឆ្នាំនេះទៀតសោត គ្រូបង្វឹក Jurgen Klopp បានចុះហត្ថលេខា នាំយកបម្រើ Fabinho ។ គាត់ជាកីឡាករដែលធ្លាប់បានឈ្នះក្នុងការលេង ជាពិសេសកីឡាករល្អក្នុងតំបន់បម្រើ ជាពិសេស ជួយដល់តំបន់ការពារ ។ ចំណុចនេះ ជាឱកាសដ៏ល្អ ដែលបញ្ជាក់ថា ហង្សក្រហមចង់បង្កើនការលើកពានលីគកំពូលអង់គ្លេស។
![](http://cdn.obnasia.com/2018/09/Fabinho-Liverpool.jpg)
N’Golo Kante (Chelsea)
បន្ទាប់ពីជួយឲ្យ Leicester City លើកពានកាលពីឆ្នាំ ២០១៦ N’Golo Kante បានចាកចេញដោយកុងត្រាជាមួយតោខៀវ និងជួយឲ្យក្លិបនេះ លើកពាននៅឆ្នាំ ២០១៧ ហើយនៅឆ្នាំនេះវិញក៏បានជួយឲ្យបារាំងលើកពាន World Cup ផងដែរ។
បើទោះបីជាកម្ពស់ត្រឹមតែ 1.68 ម៉ែត្រ ប៉ុន្តែកីឡាករអាយុ ២៧ ឆ្នាំនេះមានសមត្ថភាពមិនគួយឲ្យជឿ ក្នុងការដោះស្រាយ និងបញ្ចូនបាល់លើទីលាន ជាពិសេសនោះល្បឿនរត់លឿន ដែលគូប្រជែងខ្លាច។
![](http://cdn.obnasia.com/2018/09/NGolo-Kante-Chelsea.jpg)
Paul Pogba (Manchester United)
ជាខ្សែបម្រើមួយរូបដែលក្លិបជាច្រើនចង់បាន ដោយសារតែការបញ្ចូនបាល់ និងតិចនិកលេងល្អ ជាពិសេសការបញ្ចូនបាល់ដល់ដៃគូតែម្តង ។ កីឡឡាករបារាំងរូបនេះបានចុះកុងត្រាលេងជាមួយបិសាចក្រហម កាលពីឆ្នាំ ២០១៦ ក្នុងទំហំទឹកប្រាក់ ១០៥លានអឺរ៉ូ មកពីក្លិប យក្ស Juventus ។ តែអ្វីគួរឲ្យសោកស្តាយ គាត់មានបញ្ហាក្រោមការដឹកនាំលេងរបស់ Jose Mourinho ។
![](http://cdn.obnasia.com/2018/09/Paul-Pogba-Manchester-United.jpg)
Kevin De Bruyne (Manchester City)
មេឃខៀវជាម្ចាស់ជើងឯករដូវកាលមុន ក៏ព្រោះតែមានកីឡាករបម្រើមួយរូបគឺ Kevin De Bruyne ដោយរកគ្រាប់បាល់បាន ៨គ្រាប់ និងបញ្ចូលបាល់ឲ្យមិត្តរួមក្រុមសម្រេចទី ១៤លើក ហើយក៏បានយកទម្រង់លេងដ៏ល្អរបស់លោក ទៅបង្ហាញជូនពិភពលោកផងដែរ ក្នុងព្រឹត្តិការណ៍ World Cup ។ Kevin De Bruyne ជាកីឡាករល្អ និងបង្កើតឱកាសច្រើនសម្រាប់ក្រុម ៕
![](http://cdn.obnasia.com/2018/09/Kevin-De-Bruyne-Manchester-City.jpg)