ក្លិបហង្សក្រហម Liverpool បានធ្វើការទាក់ទងកុងត្រាជាមួយម្តាយ និងភ្នាក់ងាររបស់កីឡាករបម្រើ Adrien Rabiot របស់ក្លិប PSG អំពីលទ្ធភាព នៃការផ្ទេរនៅរដូវកាលក្រោយ។ នេះបើយោងតាម ESPN ចុះផ្សាយ។
ព័ត៌មានខាងលើ បានចុះបន្តថា Jurgen Klopp និង Rabiot បាននិយាយគ្នារួចរាល់ ដោយព្រមព្រៀងផ្ទេរមកកាន់ទឹកដីអង់គ្លេស។
កុងត្រាកីឡាករសញ្ជាតិបារាំង Rabiot នឹងបញ្ចប់នៅចុងរដូវកាលនេះ ហើយខាង PSG ក៏បានត្រៀមធ្វើការបញ្ចុះបញ្ចូលឲ្យបន្តកុងត្រាផងដែរ។
កន្លងទៅកីឡាករបម្រើរូបនេះ ធ្លាប់បានក្លិប Barcelona ធ្វើការទាក់ទងទៅផងដែរ ប៉ុន្តែដោយទឹកប្រាក់ដែលស្នើសុំនោះ មិនដល់កម្រិត និងមិនត្រូវរ៉ូវ គ្នាលើចំណុចផ្សេងៗ ទើប PSG ច្រានចោល។
ងាកមកកាន់ Jurgen Klopp បានធ្វើការសរសើរចំពោះកីឡាករវ័យ ២៣ ឆ្នាំនេះ ដោយបានព្យាយាមកុងត្រាតាំងពីនៅ Borussia Dortmund ៕
![](http://cdn.obnasia.com/2018/09/Adrien-Rabiot.jpg)