Marcelo បានបញ្ជាក់ថា គាត់នឹងចូលនិវត្តន៍ និងបញ្ចប់អាជីពនៅក្លិប Real Madird ក្រោយពីមានព័ត៌មានលេចឭថា ក្រុមម្ចាស់ជើងឯកអ៊ីតាលី ព្យាយាមទាក់ទងយកទៅលេង ជាដៃគូរបស់ Ronaldo នោះ។
មុនទីផ្សារកីឡាករបិទ Marcelo ត្រូវបានផ្សារភ្ជាប់យ៉ាងខ្លាំង ក្នុងការផ្លាស់ទៅកាន់ទឹកដីអ៊ីតាលី លេងជាមួយអតីតមិត្តរួមក្រុម ។
ថ្លែងទៅកាន់ទស្សនិកជនកីឡាករប្រេស៊ីលរូបនេះថា នៅថ្ងៃអនាគត គម្រោងអាជីពរបស់គាត់គឺនឹងបញ្ចប់នៅពហុកីឡដ្ឋាន Santiago Bernabeu ។ វាជាកន្លែងដែលធ្វើឲ្យលោកឈ្នះChampions League បីលើក ក្រោយពីលើកចាកចេញពី Fluminense កាលពីឆ្នាំ ២០០៧ ។
ផ្តល់បទសម្ភាសន៍ឲ្យ Real Madrid TV កីឡាករខ្សែការពារឆ្នើមរូបនេះថា ខ្ញុំពិតជារីករាយ និងរីករាយបំផុតដែលបានលេងនៅទីនេះ ព្រោះវាជាក្លិបដ៏ធំ ព្រោះថាក្លិបនេះបានផ្តល់នូវអ្វីជាច្រើនដល់ខ្ញុំ ។ លោកបន្តថា មនុស្សជាច្រើននៅលើបណ្តាញសង្គម បានលាតត្រដាងនូវព័ត៌មាន ដ៏គួរឲ្យអស់សំណើច ដែលបង្កការលំបាកដល់ការលេងរបស់ខ្ញុំ ប៉ុន្តែខ្ញុំនឹងលេងនៅទីនេះរហូតដល់ទីបញ្ចប់នៃអាជីព៕
