បញ្ចប់ការប្រកួតដោយលទ្ធផល 2-0 ដោយលេងគ្នា ១០ នាក់តាំងពីនាទី ៧១ ជាមួយការគ្រប់គ្រងបាល់ ៥៤% ប៉ះឆ្លងកាត់ ៥១៣ ជើង ពួកគេបានស៊ុត ២១ជើង ហើយក្នុងនោះ ៩ជើងចំគោលដៅ ដែលជួយស្រោចស្រង់ការងាររបស់ Jose Mourinho ឡើងវិញក្រោយរង្គោះរង្គើរ។
ក្រោយដូរ Sanchez ចេញ នៅនាទី ៦១ ដោយជំនួសមកវិញកីឡាករ Rasford នោះ ស្រាប់តែបង្កជំលោះជាមួយកីឡាករម្ចាស់ផ្ទះ រហូតបានកាត ក្រហម នៅនាទី៧១ ដោយលេងបាន ១០នាទីប៉ុណ្ណោះ ដែលជាហេតុធ្វើឲ្យ Jose Mourinho បុកពោះមិនស្ទើរ ។
តែទោះជាយ៉ាងណា ជ័យជម្នះរបស់ Jose Mourinho លើក្រុម ម្ចាស់ផ្ទះ Bunly នេះ ក៏អរគុណដល់ កីឡាករ ៥រូប ៖
#5 Jesse Lingard
កីឡាករវ័យក្មេងរូបនេះបានសហការយ៉ាងល្អជាមួយខ្សែការពារ Valencia នៅផ្នែកខាងស្តាំ។ ក្រៅពីនេះសហការលេងជាមួយ Sanchez និង Lukaku ។ តែនៅពេលដែលមិត្តរួមក្រុមទទួលបានកាតក្រហម Lingard ត្រូវបានប្តូរជួលមកវិញ Ander Herrera ។
#4 Victor Lindelof
កង្វះខាតនៃទម្រង់លេងរបស់ខ្សែការពារកន្លងមក បានធ្វើឲ្យក្លិបបាត់បង់ការទុកចិត្តរបស់អ្នកគាំទ្រ ជាពិសេសនោះតំណែងគ្រូបង្វឹកតែម្តង។ តែរាត្រីយប់មិញនេះ Victor Lindelof ធ្វើបានល្អ ដោយប្រើកំលាំងការពារមិនឲ្យម្ចាស់ផ្ទះបំបែកពង់មាន់របស់ខ្លួនបាន។
#3 Nemanja Matic
ខ្សែបម្រើរូបនេះ បានបង្ហាញទម្រង់លេងកើនឡើងវិញ ដោយជួយឲ្យ Mourinho មិនចាកចេញពីក្លិប ស្របពេលដែល Pogba លេងមិនសូវបានល្អនោះ ។ Matic ជាគន្លឹះដ៏សំខាន់សម្រាប់ការប្រកួតរាត្រីយប់មិញ ដោយបានសម្រេចនូវការបញ្ចូនបាល់ល្អដល់មិត្តរួមក្រុម។
#2 Alexis Sanchez
ចាប់ផ្តើមលេងសារជាថ្មី ដោយមានដៃគូប្រយុទ្ធ Lukaku និង Lingard កីឡាកររូបនេះបានបង្ហាញទម្រង់លេងដ៏ល្អ ដោយជួយឲ្យ Lukaku សម្រេចគ្រាប់បាល់បានពីរគ្រាប់ ហើយក៏បានសហការយ៉ាងល្អជាមួយ Lingard ក្នុងការសម្រេចទីផងដែរ។
#1 Romelu Lukaku
២គ្រាប់ Lukaku នៅនាទី ២៧ និង ៤៤ បានជួយឲ្យក្លិបរក្សាលំនឹង ជាពិសេសតំណែងគ្រូបង្វឹកតែម្តង ។
1គ្រាប់ដ៏រីករាយដែល បំប៉ោងឲ្យ Lukaku តែតពី Sanchez ជាគ្រាប់បាល់រីករាយបំផុតរបស់ Lukaku ៕
![](http://cdn.obnasia.com/2018/09/Lukaku.jpg)