អ៊ីតាលី៖ គ្រូបង្វឹកក្លិប សេះបង្កង់ Juventus លោក Massimiliano Allegri បានលើកឡើងថា កីឡាករ Ronaldo បានខឹងសម្បារយ៉ាងខ្លាំង ចំពោះ UEFA ដែលបានមើលរំលងគាត់ ក្នុងការផ្តល់ពានកីឡាករលេងល្អ ប្រចាំឆ្នាំ ។
Ronaldo បានចូលរួមរស់ប្រកបអាជីពបាល់ទាត់ ជាមួយ Juventus កាលពីខែកក្កដា ឆ្នាំ២០១៨ បន្ទាប់ពីររកគ្រាប់បាល់បាន ១៥ គ្រាប់ អំឡុងពេលលេងនៅ Real Madrid ដែលជួយឲ្យក្លិបលើកពាន Champions League ចុងក្រោយផងដែរ។
Ronaldo ត្រូវបានគេបោះឆ្នោតឲ្យជាប់លេខ ២ ស្ថិតនៅពីក្រោយអតីតមិត្តរួមក្រុម Luka Modric ដោយការបោះឆ្នោតនេះ ធ្វើឡើងនៅ Monaco នាថ្ងៃព្រស្បត្តិ៍ ម្សិលមិញនេះ ។
កីឡាករបម្រើរបស់ Real បានលទ្ធផលយ៉ាងល្អ ដោយលើកពាន ជាកីឡាករឆ្នើមប្រចាំឆ្នាំ 2017/18 ក្រោយពីជ្រុមជ្រែងឲ្យប្រទេសរបស់ខ្លួន ក្លាយជាជើងឯករងក្នុងព្រឹត្តិការណ៍ World Cup 2018 នៅក្នុងប្រទេសរុស្ស៊ី ។
លោក Allegri បានប្រាប់អ្នកសារព័ត៌ក្នុងប្រទេសអ៊ីតាលីថា កីឡាករ Ronaldo គឺគ្មានបញ្ហាអ្វីនោះទេ ហើយគាត់ក៏បានហ្វឹកហាត់ បានយ៉ាងល្អ ផងដែរ ។ ប៉ុន្តែ កាលពីថ្ងៃព្រហស្បត្តិ៍ គាត់បានខឹងសម្បារ ព្រោះតែខាង UEFA បានកាត់សេចក្តី ខុស។
តែទោះជាយ៉ាងណា Ronaldo នឹងធ្វើការបញ្ចេញកំហឹង នៅថ្ងៃសៅរ៍ ស្អែកនេះ ក្នុងជំនួប ជាមួយ Parma ៕
