ក្នុងក្របខណ្ឌ Premier League តែបីប្រកួតសោះក្លិបបិសាចក្រហម Manchester United ជួបភាពវឹកវរ បាត់ទៅហើយ ដោយធ្លាក់ទៅលេខរៀងទី១៣ នៃតារាងលីគកំពូលអង់គ្លេស ។ នេះជាលទ្ធផលដ៏អាក្រក់មួយ ក្នុងរយៈពេល ២៥ឆ្នាំចុងក្រោយ។
Jose Mourinho ត្រូវបានបណ្តាញព័ត៌មានអន្តរជាតិជាច្រើនចុះផ្សាយថា គាត់មិនបានទទួលការគាំទ្រពីនាយកប្រតិបត្តិរបស់ក្លិប លោក Ed Woodward នោះទេ ជាពិសេសពាក់ព័ន្ធនឹងការប្រើប្រាស់ហិរញ្ញវត្ថុ ទិញកីឡាករចាំបាច់ដូចជា ខ្សែការពារតំបន់កណ្តាលជាដើម។
ជាមួយបញ្ហាចាញ់ ២ ប្រកួតចុងក្រោយ ជាពិសេសរងគំនាបពីគូប្រជែង ហង្សក្រហម Liverpool និង មេឃខៀវ Manchester United ផងដែរនោះ បានធ្វើឲ្យតំណែង Mourinho ស្ថិតក្នុងស្ថានភាពតានតឹងមួយ ដោយអាចនឹងត្រូវប្រធានក្រុមបណ្តេញចេញ ហើយបេក្ខភាពដែលជំនួសតំណែងនេះ ត្រូវបានគេយល់ឃើញថា Zidane ដែលបានដើរចោលក្លិបកាលពីខែមិថុនា ក្រោយលើកពាន UCL ។
ទោះបីជាយ៉ាងណាក៏ដោយមានការយល់ឃើញថា អតីតគ្រូបង្វឹក Real Madrid រូបនេះនឹងមិនចូលរួមដឹកនាំក្លិបបិសាចក្រហមនោះទេ ដោយសំអាង លើហេតុផល ៣ ដែលមានដូចខាងក្រោមនេះ៖
#1 Zidane មិនប្រើភាសាអង់គ្លេសក្នុងការទាក់ទង
ក្រៅពីស្ពតដែលនិយាយពីរទៅបីម៉ាត់ បែបជាប្លែកក្នុងប្រទេសបារាំង ។ តែ Zidane បានចំណាយពេលនៅអេស្ប៉ាញ ជាកីឡាករក្លិប Real និងជាអតីតអ្នកគ្រប់គ្រងក្លិប បានប្រើភាសាអេស្ប៉ាញជាគោល។
សូម្បីតែការធ្វើសន្និសីទកាសែត មុនការប្រកួត ក៏អតីតគ្រូបង្វឹករូបនេះ ចាំបាច់បំផុតត្រូវការអ្នកបកប្រែភាសាអង់គ្លេស ទៅជាអេស្ប៉ាញជូនលោក ហើយលោកត្រូវឆ្លើយតបជាភាសាអេស្ប៉ាញជូនវិញ ។
ដូច្នេះលទ្ធភាពនៃការចូលកាន់កាប់តំណែង នៅ Old Traford ពិតជាមានភាពលំបាក ដោយចាំបាច់ត្រូវការអ្នកបកប្រែដើរតាមគាត់ជានិច្ច ដែលជាហេតុ មិនអាចទៅរួច។
#2 ក្លិបបិសាចក្រហមត្រូវត្រៀមកីឡាករល្អៗ មុនប្រគល់តំណែងឲ្យ Zidane
មូលហេតុចំបងដែល Zidane ទទួលបានជោគជ័យ គឺដោយសារតែមានធនធានស្រាប់នៅក្នុងក្លិប Real Madrid មានកីឡាករល្អៗ ដូចជា Cristiano Ronaldo, Isco, Luka Modric, Toni Kroos និង Sergio Ramos ដែលជាឆ្អឹងខ្នង និងបាតគ្រឹះដ៏រឹងមាំសម្រាប់ក្លិប ។ ប៉ុន្តែ សម្រាប់បិសាចក្រហមវិញ សូម្បីតែខ្សែការពារចាស់វស្សាពីររូប មាន Antonio Valencia និង Ashley Young ក៏មិនប្រាកដនិយមថា នឹងបន្តកុងត្រា ទៅទៀតដែរ បូករួមទាំង អ្នកចាំទី David De Gea ក៏មិនពង្រីកកិច្ចសន្យារបស់ខ្លួនថែមទៀត ។ បើសិនជា Zidane ត្រូវមកកាន់កាប់មែន នោះក្លិបត្រូវតែរៀបចំឲ្យបានស្រួលបួល ដូចជាមានហិរញ្ញវត្ថុ ក្នុងការទិញដូរ និងទិញចូលនូវតំរូវការចាំបាច់ ដែលជាកីឡាករសំខាន់ៗ ។
នៅ Real Madrid លោក Zidane បានធ្វើការតិចតួចក្នុងការផ្តល់ឱកាសឲ្យកីឡាករវ័យក្មេងលេង ដូចជា Alvaro Morata, Theo Hernandez, និង Dani Ceballos ដែលជារឿងតិចតួចបំផុត លោកធ្វើក្នុងអំឡុងកាន់កាប់ក្លិប ។ ដូច្នេះ សម្រាប់ បិសាចក្រហម មិនមែនជាគោលដៅ ដែលគាត់ចង់ មកគ្រប់គ្រងដឹកនាំការលេងនោះទេ។
#3 បិសាចក្រហមនឹងបណ្តេញលោក Mourinho នៅពាក់កណ្តាលរដូវកាលមែនទេ?
នេះជារដូវកាលទីបី ដែល Mourinho បានកាន់កាប់ក្លិប ដោយលោកត្រឹមតែបានឈ្នះពាន Europa Leagu ក្រៅពីនេះគ្មានអ្វីគួរឲ្យកត់សម្គាល់ឡើយ ។
តំណែងលោក Mourinho ស្ថិតក្នុងភាពសង្ស័យ ហើយបើនិយាយពីការដេញគ្រូបង្គោលរូបនេះចោល ច្បាស់ណាស់ ប្រហែលជាធ្វើឡើង កាលពីរដូវកាលទី១ លោកកាន់កាប់ ទៅហើយ ប៉ុន្តែងាកមកកាន់រដូវកាលទី២ គេឃើញថា Mourinho ធ្វើការងារបានល្អ ដោយមានពិន្ទុល្អ ដែលជាហេតុផលមួយ ធ្វើឲ្យក្រុមប្រឹក្សាភិបាលរបស់ក្លិប ជឿជាក់លើសមត្ថភាពរបស់លោក ។ គេនៅចាំថា David Moyes ត្រូវបានក្លិប មិនផ្តល់ឱកាសឲ្យ ខណៈដែល Louis van Gaal បានផ្តល់ឱកាសដល់នាទីចុងក្រោយនៃការលេង។
សម្រាប់ Mourinho នៅកុងត្រាមួយឆ្នាំទៀតជាមួយក្លិប ដល់ឆ្នាំ ២០១៩ ដូច្នេះច្បាស់ណាស់គាត់នឹងបន្តធ្វើអ្នកគ្រប់គ្រងដឹកនាំការលេង ១រដូវកាលទៀត៕
![](http://cdn.obnasia.com/2018/08/Mourinho.jpg)