ប្រធានក្លិបអធិរាជស Real លោក Florentino Perez បានអះអាងថា ក្លិប Inter បានព្យាយាមលើ Luka Modric តែពួកគេមិនព្យាយាមចាយលុយ ខណៈដែលចង់បានកីឡាករបម្រើឆ្នើមរូបនេះ។
Modric គឺជាម្ចាស់ពាន កីឡាករឆ្នើមរបស់ UEFA 2017/18 ហើយក៏ជាគោលដៅដែល Inter ចង់បានក្រោយធ្វើបានយ៉ាងល្អ ក្នុងការប្រកួត World Cup ។
លោក Perez បានប្រាប់សារព័ត៌មានថា ខ្ញុំមិនដែលឃើញក្លិបណាចង់ទិញកីឡាករ ១០ ដោយមិនចំណាយប្រាក់នោះទេ វាជាលើកទី១ដែលរឿងនេះ បានកើតឡើងចំពោះខ្ញុំ ។
ម្ចាស់ពាន UCL និងជាប្រធានក្លិបខាងលើ បានដាក់ពាក្យបណ្តឹងទៅ FIFA ប្តឹងលើក្លិប Inter ដោយបានចោទប្រកាន់ថាបានទាក់ទងកីឡាករខ្លួនដោយខុសច្បាប់ ជុំវិញការផ្លាស់ប្តូរដ៏មានសក្តានុពលភាពមួយ បង្កប់នូវអាថ៌កំបាំង ដែលជារឿងមិនសមហេតុផលបំផុតក្នុងប្រវត្តិសាស្ត្របាល់ទាត់៕
