យោងតាមការចេញផ្សាយរបស់ Roger Torello បានអោយដឹងថាកិច្ចសន្យារបស់កីឡាករ Robert Lewandowski ជាមួយក្លឹប Barcelona នឹងត្រូវបន្តរហូតដល់ខែមិថុនា ឆ្នាំ២០២៦ ដោយធានាថាខ្សែប្រយុទ្ធរូបនេះបន្តស្នាក់នៅក្លឹបសម្រាប់មួយរដូវកាលបន្ថែមទៀត។
ក្នុងប៉ុន្មានសប្តាហ៍ខាងមុខនេះ ក្លឹប Barcelona ត្រូវបានរំពឹងថានឹងបញ្ជាក់ជាផ្លូវការនូវការបន្តកុងត្រានេះ សម្រាប់គម្រោងរយៈពេលវែងរបស់ពួកគេ។ ខ្សែប្រយុទ្ធប៉ូឡូញគឺជាតួអង្គសំខាន់សម្រាប់ក្រុមកាតាឡានក្នុងរដូវកាលនេះ ហើយបានស៊ុតបញ្ចូលទីបាន ៣១គ្រាប់ក្នុងការបង្ហាញខ្លួន ៣៣លើក៕
