កីឡាករ Vinicius Jr. បាននិយាយអំពីអនាគតរបស់គាត់នៅ Real Madrid ដោយច្រានចោលពាក្យចចាមអារ៉ាមដែលភ្ជាប់គាត់ជាមួយនឹងការផ្លាស់ប្តូរទៅ Paris Saint-Germain ឬ Saudi Arabia ។ ខ្សែបម្រើស្លាបរូបនេះបានបញ្ជាក់ថា ការពិភាក្សាលើកិច្ចសន្យាថ្មីកំពុងតែបន្ត ហើយបានបង្ហាញពីបំណងប្រាថ្នាយ៉ាងខ្លាំងរបស់គាត់ក្នុងការបន្តនៅជាមួយក្លឹបយក្សនៅប្រទេសអេស្ប៉ាញ។
គាត់បានប្រាប់ TNT Sports Brazil ថា៖ «យើងកំពុងនិយាយអំពីកិច្ចសន្យាថ្មី។ បំណងប្រាថ្នារបស់ខ្ញុំគឺចង់ស្នាក់នៅទីនេះឱ្យបានយូរ បង្កើតប្រវត្តិសាស្ត្រសម្រាប់ Real Madrid»។
«ខ្ញុំតែងតែចង់នៅឱ្យបានយូរ និងយូរជាងនេះ! ខ្ញុំសង្ឃឹមថានៅថ្ងៃបន្ទាប់ យើងអាចដោះស្រាយអ្វីគ្រប់យ៉ាងដើម្បីអោយនៅបានយូរ»៕
