យោងតាមការចេញផ្សាយរបស់ Alan Nixon បានអោយដឹងថាអតីតគ្រូបង្វឹកក្រុម West Ham និង Manchester United លោក David Moyes បានបដិសេធមិនពិភាក្សាអំពីការចូលកាន់តំណែងនៅ Wolverhampton Wanderers ខណៈដែល Gary O’Neil នៅតែទទួលបន្ទុក។
បុរសសញ្ជាតិស្កុតឡេនត្រូវបានគេរាយការណ៍ថាបានក្លាយជាជម្រើសមកជំនួសកន្លែងលោក O’Neil ដែលស្ថិតនៅក្រោមសម្ពាធ ប៉ុន្តែ «គិតថាវាខុសហើយ» ដើម្បីពិភាក្សាអំពីតួនាទីនេះ ខណៈដែលមិត្តរួមការងាររបស់គាត់នៅតែស្ថិតក្នុងតំណែងមួយនេះដដែល។
នេះបើយោងតាមការចេញផ្សាយរបស់លោក Nixon បានអោយដឹងថាមាន «ការសង្ស័យយ៉ាងធ្ងន់ធ្ងរ» ផងដែរអំពីថាតើ Moyes នឹងទទួលយកការប្រកួតប្រជែងនៅ Wolves ដោយក្លឹបកំពុងឈរនៅលេខ 19 ក្នុងតារាង Premier League ក្នុងខែធ្នូ។
លោក O’Neil ឥឡូវនេះត្រូវបានគេរាយការណ៍ថាស្ថិតក្នុង «គ្រោះថ្នាក់យ៉ាងធ្ងន់ធ្ងរ» ដែលអាចត្រូវបានបណ្តេញចេញពីក្លឹប ហើយការបរាជ័យក្រោមថ្វីជើងក្រុម West Ham នៅថ្ងៃច័ន្ទអាចនឹងបញ្ចប់ជោគវាសនារបស់គាត់ ខណៈ David Moyes ដែលត្រូវបានពិពណ៌នាថាជាជម្រើស មិនគួរឱ្យជឿ៖
«David Moyes កំពុងបដិសេធមិនពិភាក្សាការងាររបស់ Wolves ខណៈពេលដែល Gary O’Neil ស្ថិតក្នុងតំណែង»។
ក្លឹបដែលមានវិបត្តិបានកំណត់ឈ្មោះគ្រូបង្វឹកដែលមានបទពិសោធន៍លោក Moyes នៅក្នុងបញ្ជីសម្រាប់តំណែងរបស់ពួកគេ ប្រសិនបើ O’Neil ចាកចេញ ប៉ុន្តែបុរសសញ្ជាតិស្កុតឡែនមិនមានបំណង់ចង់ពិភាក្សារឿងនេះនៅពេលឥលូវ។
លោក Moyes គឺជាពន្លឺឈានមុខគេនៅក្នុងសហជីពរបស់អ្នកគ្រប់គ្រង ហើយគិតថាវាខុសក្នុងការពិភាក្សាអំពីតួនាទីមួយនៅពេលដែលមិត្តរួមការងារកំពុងតែបន្តធ្វើការនេះនៅឡើយ។
ប្រសិនបើ O’Neil ទៅ Moyes នឹងអាចបន្តតំណែងប៉ុន្តែមានការសង្ស័យយ៉ាងខ្លាំងអំពីថាតើគាត់នឹងទទួលយកការប្រឈមមួយនេះដែរឬទេ។
លោក Moyes នៅទំនេរសម្រាប់ការងារថ្មី ប៉ុន្តែគាត់សប្បាយរីករាយក្នុងការរង់ចាំការងារដ៏ត្រឹមត្រូវមួយ”។
លោក Moyes នៅមិនទាន់មានការងារធ្វើនោះទេបន្ទាប់ពីគាត់ចាកចេញពីក្លឹប West Ham នៅចុងបញ្ចប់នៃរដូវកាលនេះ ហើយត្រូវបានផ្សារភ្ជាប់ជាមួយនឹងការវិលត្រឡប់ទៅកាន់ក្របខ័ណ្ឌ Premier League នៅរដូវកាលនេះ។
គ្រូបង្វឹកស្កុតឡេននឹងនាំមកនូវបទពិសោធន៍ដ៏សំខាន់ ដោយបានគ្រប់គ្រងការប្រកួតចំនួន ៦៩៧ដង នៅក្នុងក្របខ័ណ្ឌកំពូលរបស់អង់គ្លេស ដោយជាប់ចំណាត់ថ្នាក់លេខ ៣ ក្នុងចំណោមគ្រូបង្វឹកទាំងអស់ក្នុងប្រវត្តិសាស្ត្រ នៅពីក្រោយលោក Arsene Wenger និងលោក Sir Alex Ferguson ៕
