គ្រូបង្វឹកសញ្ជាតិព័រទុយហ្គាល់ដែលកំពុងបម្រើការងារនៅក្នុងប្រទេសទួរគី ប៉ុន្តែហាក់មិនសប្បាយចិត្តក្នុងការដឹកនាំក្លឹប Fenerbahce។ បុរសវ័យ ៦១ឆ្នាំរូបនេះធ្លាប់បាននិយាយថា៖ «គ្មាននរណាម្នាក់នៅបរទេសចង់មើលលីគទួរគីទេ។ អ្នកណាចង់មើលលីកទួរគីនេះនៅបរទេស? ពួកគេមាន Premier League ពួកគេមានលីកបារាំងពួកគេមានលីកអាល្លឺម៉ង់ មានលីគព័រទុយហ្គាល់ ពួកគេមានលីគហូឡង់។ ហេតុអ្វីពួកគេគួរមើលវា? វាពណ៌ប្រផេះពេក វាងងឹតពេក មានក្លិនមិនល្អ ប៉ុន្តែនោះជាការងាររបស់ខ្ញុំ ហើយខ្ញុំនឹងផ្តល់អ្វីៗគ្រប់យ៉ាងដល់ក្លឹបរបស់ខ្ញុំ»។
វានៅតែត្រូវបានមើលឃើញថាតើលោក Mourinho នឹងបន្តធ្វើការនៅទីនោះបានយូរប៉ុន្មានទៀត។ ហើយបើយោងតាមការចេញផ្សាយរបស់ The Guardian បានអោយដឹងថាអតីតគ្រូបង្វឹក Real Madrid, Inter និង Tottenham មានបំណងចង់ត្រលប់មកកាន់អង់គ្លេស។ គាត់បានបញ្ជាក់អោយដឹងថាគាត់ត្រូវបានជូនដំណឹងអំពីការការងារមួយនៅ Newcastle ខណៈលោក Eddie Howe កំពុងប្រឈមមុខនឹងសំនួរដែលពាក់ព័ន្ធនឹងអនាគតរបស់គាត់។
លោក Howe មិនមានចេតនាចង់ចុះចេញពីដំណែងនៅ St James’ Park ទេ ហើយបាននិយាយអំពីការឈានដល់ការដឹកនាំក្រុមសារិកាព្រៃ រយៈពេលបីឆ្នាំថា៖ «វាមានអារម្មណ៍ល្អណាស់ដែលនៅទីនេះ។ ខ្ញុំពិតជារីករាយជាមួយនឹងរបៀបដែលធ្វើការ ការកាន់តំណែងមួយនេះ ហើយវានៅតែជាក្តីស្រម៉ៃ។ ខ្ញុំសប្បាយចិត្តនឹងការរីកចំរើន ប៉ុន្តែអ្នកតែងតែចង់បានច្រើនជាងនេះ ហើយយើងមិនទាន់បានរបស់ដែលយើងចង់បាននោះទេ ហើយវាគឺជាពានរង្វាន់។ នោះនៅតែជាក្តីស្រមៃ និងនៅតែជាកំលាំងចិត្តរបស់យើង។ យើងជឿថាយើងអាចសម្រេចបាននូវអ្វីដែលអស្ចារ្យ ហើយនោះគឺជាចំណុចស្នូលដែលជំរុញឱ្យយើងជារៀងរាល់ថ្ងៃ វគ្គជម្រុះសម្រាប់ទ្វីបអឺរ៉ុបម្តងទៀតគឺជាគោលបំណងរបស់យើងក្នុងរដូវកាលនេះ»។
លោក Mourinho ធ្លាប់បានជួបជាមួយប្រធានក្លឹប Newcastle លោក Yasir al-Rumayyan ក្នុងកម្មវិធី Saudi Arabian Grand Prix ដោយអ្នកទាំងពីរបានបញ្ជាក់នៅតែមានទំនាក់ទំនងជាមួយគ្នា។ វាអាចជាទ្វាររបស់អ្នកចាត់ការទូទៅ ប្រសិនបើលោក Howe មិនអាចប្រជែងពាន ឬមិនអាចស្ថិតនៅក្នុងក្រុមកំពូលទាំង៤ តាមអ្វីដែលម្ចាស់ក្លឹបចង់បាន៕
