យោងតាមការចេញផ្សាយរបស់លោក Rudy Galetti បានអោយដឹងថាក្លឹប Napoli ត្រូវបានគេរាយការណ៍ថាមានភាពសុទិដ្ឋិនិយមក្នុងការបញ្ចប់ការចុះហត្ថលេខាយកកីឡាករ Romelu Lukaku នៅសប្តាហ៍ក្រោយនេះ។
ខ្សែប្រយុទ្ធវ័យ ៣១ឆ្នាំមានបំណងចង់មកជួបគ្នាជាថ្មីម្តងទៀតជាមួយលោក Antonio Conte ដែលបានចូលកាន់តំណែងជាអ្នកចាត់ការថ្មីរបស់ក្លឹប Napoli។ កីឡាករ Lukaku បច្ចុប្បន្នកំពុងរង់ចាំការព្រមព្រៀងរវាងក្លឹប Napoli និង Chelsea ដើម្បីអាចអោយគាត់ធ្វើការផ្ទេរបាន។
មានការរំពឹងទុកផងដែរថាការផ្ទេររបស់កីឡាករ Lukaku អាចជាផ្នែកនៃកិច្ចព្រមព្រៀងក្នុងការនាំយកខ្សែប្រយុទ្ធ Victor Osimhen របស់ក្លឹប Napoli មកកាន់ Stamford Bridge វិញ៕
