យោងតាមការចេញផ្សាយរបស់លោក Gianluca Di Marzio បានអោយដឹងថាក្លឹប AC Milan បានឈានដល់ចុងបញ្ចប់ការចុះហត្ថលេខាលើកីឡាករ Youssouf Fofana ពីក្លឹប AS Monaco ជាមួយនឹងការប្រកាសជាផ្លូវការដែលរំពឹងទុកថានឹងធ្វើឡើងនៅពេលឆាប់ខាងមុខ។
ក្លឹប AC Milan បានចរចាដោយជោគជ័យនូវលក្ខខណ្ឌសម្រាប់ខ្សែបម្រើវ័យ២៥ឆ្នាំ ដោយធានាក្នុងការចុះហត្ថលេខាយករូបគាត់ក្នុងតម្លៃ ២០លានអឺរ៉ូ បូកនឹងតម្លៃបន្ថែម ៥លានអឺរ៉ូផ្សេងទៀត។
កីឡាករ Fofana ត្រូវបានគេរំពឹងថានឹងចុះហត្ថលេខាលើកិច្ចសន្យាដែលនឹងរក្សាគាត់នៅ Milan រហូតដល់ឆ្នាំ២០២៩ ហើយនេះជាការបន្ថែមដ៏សំខាន់មួយសម្រាប់តំបន់បម្រើរបស់ក្លឹប។ ការធ្វើតេស្តសុខភាពអាចនឹងត្រូវធ្វើឡើងនៅថ្ងៃសុក្រ ឫក៏សៅរ៏សប្តាហ៍នេះ បន្ទាប់មកគាត់នឹងត្រូវបង្ហាញខ្លួនជាផ្លូវការជាកីឡាកររបស់ AC Milan៕
