អ្នកចាំទីសញ្ជាតិប្រេស៊ីលកំពុងត្រូវបានចោទសួរទាក់ទងនឹងអនាគតរបស់ខ្លួននៅ Etihad Stadium។ គាត់បានចំណាយពេល ៧ឆ្នាំនៅអង់គ្លេស ដោយឈ្នះបាន ១៧ពាន ប៉ុន្តែនៅពេលនេះគាត់មានព័ត៌មានផ្សារភ្ជាប់ក្នុងការផ្ទេរទៅកាន់ Saudi Pro League ជាមួយនឹងក្លឹប Al-Nassr និងក្លឹប Al-Ittihad ដែលបង្ហាញការចាប់អារម្មណ៍លើរូបគាត់។
លោក Pep Guardiola គ្រូបង្វឹករបស់ក្លឹប Man City បានធ្វើការបញ្ជាក់អំពីអនាគតរបស់ Ederson នៅពេលមានការចោទជាសំនួរថា៖ «ខ្ញុំមិនដឹងទេ។ គាត់ត្រូវតែមើលនៅជម្រើសផ្សេងទៀត។ ពិតណាស់ ខ្ញុំចង់ឱ្យគាត់ស្នាក់នៅបន្ត ប៉ុន្តែវាអាស្រ័យទៅលើក្លឹប។ ខ្ញុំពិតជាមិនដឹងពីស្ថានភាពនេះទេ ដោយសារតែមិនមានទំនាក់ទំនងនៅថ្ងៃចុងក្រោយ។ យើងនឹងឃើញថានឹងមានអ្វីកើតឡើងជាមួយគាត់»។
ក្លឹប Man City ទាមទារតម្លៃប្រមាណ ៥០លានផោន សម្រាប់អ្នកចាំទី Ederson។ គាត់ចង់បន្តស្នាក់នៅតំបន់អឺរ៉ុប ប៉ុន្តែដឹងថាក្រុមមកពីមជ្ឈិមបូព៌ា នឹងមានភាពងាយស្រួលក្នុងការចំណាយលុយ ដើម្បីធ្វើឲ្យកិច្ចព្រមព្រៀងកើតឡើង ជាមួយនឹងការផ្តល់អោយនៅសំណើរដ៏ធំមួយផងនោះ៕
