យោងតាមការចេញផ្សាយរបស់អ្នកព័ត៌មាន Jorge Nicola បានអោយដឹងថាក្លឹប Liverpool ចង់ធ្វើការផ្ទេរយកខ្សែបម្រើ Ederson របស់ក្លឹប Atalanta ក្នុងតម្លៃ ៤៥លានអឺរ៉ូ។ កីឡាករវ័យ ២៤ឆ្នាំនេះ បានទាក់ទាញក្លឹបជាច្រើននៅ Premier League នៅក្នុងរដូវក្តៅនេះ។
ការបង្ហាញទម្រង់លេងដ៏លេចធ្លោរបស់ Ederson មិនត្រឹមតែទាក់ទាញភ្នែករបស់ក្លឹបកំពូល ៗ របស់អង់គ្លេសប៉ុណ្ណោះទេ ថែមទាំងបានធ្វើឱ្យគាត់ទទួលបានការហៅទៅកាន់ក្រុមជម្រើសជាតិប្រេស៊ីលផងដែរ។ ភាពប៉ិនប្រសប់ និងជំនាញរបស់គាត់បានធ្វើឱ្យគាត់ក្លាយជាកីឡាករ ដែលគេកំពុងតាមដានដោយក្លឹបជាច្រើនសម្រាប់ទីផ្សារដោះដូរខាងមុខ។
ទោះបីជាមានការផ្តល់ជូនយ៉ាងច្រើនពីក្លឹប Liverpool ប៉ុន្តែក្លឹប Atalanta មិនទាន់ឆ្លើយតបចំពោះសំណើរនេះទេ។ ការសម្រេចចិត្តរបស់ក្លឹបអ៊ីតាលីនឹងមានសារៈសំខាន់ក្នុងការកំណត់ថាតើ Éderson ធ្វើការផ្លាស់ប្តូរទៅកាន់កីឡដ្ឋាន Anfield នៅមុនរដូវកាលថ្មីនេះឬយ៉ាងណា៕
