លោក Jose Mourinho បានរំពឹងទុកអំពីការវិលត្រលប់មកធ្វើគ្រូបង្វឹកវិញនៅរដូវក្តៅនេះ បន្ទាប់ពីចាកចេញពីក្លឹប Roma កាលពីខែមករា។
ក្នុងរយៈពេលប៉ុន្មានខែមកនេះលោក Jose Mourinho បានចូលមើលការប្រកួតរបស់ក្លឹបនៅលីគព័រទុយហ្គាល់ដោយរួមមាន Sporting CP, Benfica, និង Vitoria Setubal។ សកម្មភាពទាំងអស់បានបង្ហាញអោយឃើញនូវសញ្ញាអំពីឱកាសដែលគាត់នឹងវិលត្រលប់មកដឹកនាំវិញ។
នៅក្នុងបទសម្ភាស៍មួយជាមួយនឹង Record លោក Jose Mourinho បានឆ្លើយទាក់ទងនឹងអនាគតរបស់គាត់ជាមួយក្លឹបនៅព័រទុយហ្គាល់ថា៖ «កាលពីមុន គឺពិតមែន។ មានតែព្រះទេដែលដឹងអំពីអនាគតខ្ញុំ។ ខ្ញុំរស់នៅជិតទីក្រុង Lisbon។ ធ្វើដំណើរទៅកាន់ [Estadio] da Luz និងទៅ Alvalade [កីឡដ្ឋាន] គឺងាយស្រួល វាប្រើពេលតែ ២០នាទី ហើយខ្ញុំនឹងទៅដល់ទីនោះ។ ប្រសិនបើខ្ញុំអាចហ្វឹកហាត់នៅថ្ងៃស្អែកបាន ខ្ញុំនឹងធ្វើវាភ្លាម ប៉ុន្តែខ្ញុំមានអារម្មណ៍ថាទទេ នៅពេលដែលខ្ញុំមិនបានហ្វឹកហាត់។ ខ្ញុំប្រហែលជាវិលត្រលប់ទៅដឹកនាំវិញនៅរដូវក្តៅនេះ ហើយខ្ញុំនឹងធ្វើការសម្រេចចិត្តដ៏ល្អមួយ»៕
