តារាឆ្នើមរបស់ក្លឹប Real Madrid កីឡាករ Rodrygo បានពន្យល់ពីមូលហេតុដែលកាលពីឆ្នាំ ២០១៧ គាត់បានច្រានចោលឱកាសដើម្បីចូលរួមជាមួយ Liverpool ក្នុងការចរចារតម្លៃផ្ទេរ ៣លានអឺរ៉ូ។
កីឡាករ Rodrygo បាននិយាយថា៖ «ពួកយើងមិនអាចសម្រេចកិច្ចព្រមព្រៀងមួយនេះបានទេ ពីព្រោះខ្ញុំមិនចង់ធ្វើវា។ ខ្ញុំចង់ស្នាក់នៅ Santos ទោះបីជាការផ្តល់ជូននេះល្អក៏ដោយ។ អ្វីដែលគេសន្យានឹងខ្ញុំក៏ល្អសម្រាប់អាជីពរបស់ខ្ញុំដែរ។ វាតែងតែជាសុបិនរបស់ខ្ញុំក្នុងការលេងនៅអឺរ៉ុប។ អ្វីគ្រប់យ៉ាងគឺល្អខ្លាំងណាស់ ប៉ុន្តែបំណងប្រាថ្នារបស់ខ្ញុំបានបញ្ជាក់កាន់តែខ្លាំង។ ខ្ញុំចង់បន្តនៅ Santos និងបង្កើតប្រវត្តិសាស្ត្របន្តិចនៅក្លឹប។ ហើយនោះជាអ្វីដែលបានកើតឡើង ខ្ញុំអាចបំពេញក្តីសុបិន្តរបស់ខ្ញុំក្នុងការលេងឱ្យ Santos ។ ប៉ុន្តែវាជាការពិត ខ្ញុំស្ទើរតែបានទៅ Liverpool»៕
