បរទេស៖ ចាប់តាំងពីត្រលប់មកកាន់ក្លឹប Dortmund វិញ កីឡាករ Sancho បាននឹងកំពុងស្វែងរកនៅទម្រង់លេងរបស់ខ្លួនត្រលប់មកវិញ។ បើយោងតាមការចេញផ្សាយរបស់ Sky Sports បានអោយដឹងថាក្លឹប Dortmund មានការចាប់អារម្មណ៍ក្នុងការរក្សាទុកខ្សែបម្រើស្លាបនេះ ប៉ុន្តែការចរចាជាមួយនឹងក្លឹប United ហាក់មានឧបសគ្គ ដោយសារតែក្លឹបបិសាចក្រហមទាមទារតម្លៃប្រមាណ ៤០លានអឺរ៉ូ។
ដោយត្រូវបានដកចេញពីការប្រកួតដោយលោក Erik ten Hag កាលនៅក្លឹប United បានអោយកីឡាករ Sancho ធ្វើការផ្ទេរក្នុងការលក្ខខណ្ឌខ្ចីជើងទៅកាន់ក្លឹបដើមរបស់ខ្លួនវីញការពីខែមករា។ កិច្ចព្រមព្រៀងខ្ចីជើងនេះមានតម្លៃ ៤លានអឺរ៉ូ ដោយមិនមានដាក់បញ្ចូលនៅលក្ខខណ្ឌទិញផ្តាច់នោះទេ ដែលបង្ខំអោយក្លឹប Dortmund ត្រូវធ្វើការពិភាក្សាជាមួយនឹងក្លបឹ United ម្តងទៀតចំពោះការផ្ទេរជាអចិន្ត្រៃយ៍។
កាលពីមុនក្លឹប Dortmund មានឆន្ទៈក្នុងការចំណាយ ៣០លានផោន ដើម្បីអាចចុះហត្ថលេខាយករូបគាត់ ហើយវាទាបជាងអ្វីដែលក្លឹប Man Utd បានចំណាយក្នុងការទិញគាត់ពី Dortmund មកក្នុងឆ្នាំ ២០២១ ក្នុងតម្លៃ ៧១លនាផោន។ វាត្រូវបានដឹងថាការផ្ទេរជាអចិន្ត្រៃយ៍ មិនអាចកើតឡើងបានដោយសារតែបញ្ហាហិរញ្ញវត្ថុរបស់ក្លឹប ប៉ុន្តែខាងក្លឹប Dortmund នៅតែសម្លឹងមើលការខ្ចីជើងក្នុងរយៈពេលវែង។ ទោះបីជាយ៉ាងណាក៏ដោយក្លឹប United នៅតែរំពឹងថានឹងទាមទារថ្លៃខ្ចីជលងដ៏ខ្ពស់មួយ ដោយរួមបញ្ចូលទាំងកាតព្វកិច្ចក្នុងការទិញផ្តាច់ទៀតផង។
ទោះបីជាមានភាពមិនច្បាស់លាស់ជុំវិញអនាគតរបស់គាត់ក៏ដោយ ក៏កីឡាករ Sancho នៅតែផ្តោតលើការប្រកួតរបស់គាត់នៅ Dortmund ដោយមានគោលបំណងចង់បញ្ចុះបញ្ចូលក្លឹបឱ្យបំពេញតាមការទាមទាររបស់ក្លឹប Man Utd ឬទាក់ទាញចំណាប់អារម្មណ៍ពីក្លឹបផ្សេងទៀត។ ជាមួយនឹងពាក្យចចាមអារ៉ាមដែលថាមានក្លឹបនៅអារ៉ាប៊ីសាអូឌីតត្រៀមនៅកញ្ចប់ថវិកាយ៉ាងច្រើនសម្រាប់ការដោះដូររដូវក្តៅ ក្រោយការដោះដូរខែមករាមានភាពតិចតួច។ ការផ្ទេរបន្ទាប់របស់កីឡាករ Sancho អាចជាការផ្លាស់ប្តូរដ៏ធំមួយរបស់អាជីពកីឡាករវ័យ ២៤ឆ្នាំរូបនេះ។ កុងត្រាបច្ចុប្បន្នរបស់គាត់នៅ Old Trafford មានសុពលភាពដល់ឆ្នាំ២០២៦ ដោយក្នុងនោះមានជម្រើសក្នុងការពន្យាថែម ១២ខែទៀត៕
