ចាប់តាំងពីផ្ទេរពីក្លឹប Coventry City ទៅកាន់ព័រទុយហ្គាល់កាលពីរដូវក្តៅមុន ខ្សែប្រយុទ្ធរូបនេះបានស៊ុតបញ្ចូលទី ៣៦គ្រាប់ និង assist ១៤ដង ក្នុងការបង្ហាញខ្លួន ៤០ប្រកួតនៅគ្រប់ព្រឹត្តិការណ៍ទាំងអស់។ ដោយសារទម្រង់លេងដ៏ល្អរបស់គាត់ធ្វើអោយក្លឹបនៅ Premier League ដូចជា Arsenal និង Chelsea ហើយក៏មានក្លឹប AC Milan ផងដែរ ដែលចាប់អារម្មណ៍លើរូបគាត់។
យោងតាមការចេញផ្សាយរបស់ The Mirror បានអោយដឹងថាខ្សែប្រយុទ្ធខាងលើអាចមានតម្លៃប្រមាណ ៨០លានអឺរ៉ូសម្រាប់ទីផ្សារដោះដូរក្តៅខាងមុខ។
អតីតខ្សែប្រយុទ្ធក្លឹប Brighton កីឡាករ Gyokeres ដែលមានកុងត្រាជាមួយនឹងក្លឹប Sporting ដល់ឆ្នាំ២០២៨ បានបញ្ជាក់ថាគាត់នឹងធ្វើការសម្រេចចិត្តអំពីអនាគតរបស់ខ្លួននៅចុងបញ្ចប់នៃរដូវកាលនេះ។
កីឡាករ Gyokeres បានអោយដឹងថា៖ «វាជាសញ្ញាមួយដែលខ្ញុំបានធ្វើល្អ។ បន្ទាប់ពីលេងបានតែប្រាំបីដងសម្រាប់ Seagulls គាត់បានចុះហត្ថលេខាជាអចិន្ត្រៃយ៍សម្រាប់ក្រុម Coventry ក្នុងឆ្នាំ 2021ប៉ុន្តែវាមិនមែនជាអ្វីដែលខ្ញុំយកចិត្តទុកដាក់ខ្លាំងពេកនោះទេ ព្រោះវាគ្រាន់តែជាការរំពឹងទុក។ ខ្ញុំសប្បាយរីករាយនៅ Sporting យ៉ាងខ្លាំង និងមិនមានអារម្មណ៍តានតឹងអំពីរដូវក្តៅដែលនឹងមកដល់ឆាប់ៗនោះទេ»។
កីឡាករ Gyokeres បានចាប់ផ្តើមអាជីពរបស់គាត់នៅក្លឹបស៊ុយអែត Brommapojkarna មុនពេលចូលរួមជាមួយក្លឹប Brighton ក្នុងយុទ្ធនាការ ២០១៧-១៨ ។ បន្ទាប់ពីលេងបានតែ ៨ប្រកួតអោយក្លឹប Brighton ហើយក៏លេងខ្ចីជើងទៅកាន់ក្លឹប St Pauli, ក្លឹប Swansea City, នឹងក្លឹប Coventry City មុននឹងគាត់ការបានផ្ទេរជាអចិន្ត្រៃយ៍ទៅកាន់ក្លឹប Coventry នៅឆ្នាំ២០២១។ ការស៊ុតបញ្ចូលទីដ៏ច្រើនរបស់គាត់នៅក្លឹប Championship បានធ្វើអោយក្លឹប Sporting ចាប់អារម្មណ៍ចុះហត្ថលេខាយកគាត់ ហើយគាត់នៅតែបន្តរកគ្រាប់បាល់បានទៀតដដែល។
កីឡាករ Gyokeres នឹងជួយក្លឹប Sporting នៅក្នុងការប្រកួតបន្ទាប់នាថ្ងៃអង្គារ៍ ក្នុងការប្រកួតជើងទីពីរនៃការប្រកួតវគ្គពាក់កណ្តាលផ្តាច់ព្រ័ត្ររបស់ពួកគេជាមួយ Benfica ក្នុងការប្រកួត Taca de Portugal៕
