បរទេស៖ កីឡាករ Bruno Guimaraes រក្សាថាគាត់ពេញចិត្តនៅ Newcastle បើទោះជាមានការរំពឹងទុកជាញឹកញាប់អំពីការផ្លាស់ចេញពីក្លឹបក៏ដោយ។ កីឡាករ Guimaraes បានបង្ហាញនៅទម្រង់លេងយ៉ាងល្អនៅក្នុងជ័យជម្នះ ៣ទល់នឹង២ របស់ក្រុមរបស់គាត់ទៅលើក្រុម Nottingham Forest ក្នុងការប្រកួតបាល់ទាត់រាត្រីថ្ងៃសៅរ៍ដោយស៊ុតបញ្ចូលទីបានពីរគ្រាប់។
ថ្លែងទៅកាន់ Sky Sports ក្រោយការប្រកួតកីឡាករ Guimaraes បាននិយាយថា៖ “ពេលខ្លះមនុស្សជាច្រើននិយាយអំពីខ្ញុំ ហើយខ្ញុំគ្រាន់តែគិតអំពីបាល់ទាត់។ ខ្ញុំសប្បាយចិត្តនៅទីនេះ ខ្ញុំនឹងប្រឹងអោយអស់ពីសមត្ថភាពនៅក្លឹបនេះ។ ខ្ញុំស្រលាញ់របៀបដែលអ្នកគាំទ្រចូលចិត្តខ្ញុំ។ ដូច្នេះខ្ញុំផ្តោតលើការលេងបាល់របស់ខ្ញុំ ហើយទុកឱ្យមនុស្សទាំងនោះនិយាយចុះ។ ពេលខ្លះ (មនុស្សនិយាយអំពីរឿងខ្ញុំចាកចេញពី Newcastle) ខ្ញុំសប្បាយចិត្តណាស់នៅទីនេះ ហើយរីករាយជាមួយក្លឹបនេះ។ ញុំមិនដែលមានអារម្មណ៍ស្រឡាញ់ខ្លាំងចំពោះអ្នកគាំទ្រដូចនៅទីនេះទេ។ ពួកគេពិតជាមិនគួរឱ្យជឿសម្រាប់ ខ្ញុំនិងក្រុមគ្រួសាររបស់ខ្ញុំ ដូច្នេះខ្ញុំព្យាយាមលេងដើម្បីអ្នកគាំទ្រ។ ដូច្នេះខ្ញុំសង្ឃឹមថាខ្ញុំអាចបន្តនៅទីនេះឲ្យបានយូរតាមដែលអាចធ្វើទៅបាន”៕
