កីឡាករ Lisandro Martinez និង Casemiro បានត្រលប់មកហ្វឹកហាត់ពេញលេញវិញហើយ នៅមុនការប្រកួត FA Cup ជុំទី 3 ទល់នឹង Wigan Athletic។
កីឡាករអាមេរិកខាងត្បូង ជាកីឡាករសំខាន់បំផុតពីររូបរបស់ Man Utd កាលពីរដូវកាលមុន ខណៈដែលក្រុមរបស់ Erik ten Hag បញ្ចប់ក្នុងចំណាត់ថ្នាក់លេខ ៣ និងឈ្នះពាន Carabao Cup។
រដូវកាលរបស់ពួកគេត្រូវបានរំខានដោយបញ្ហារបួសហើយ Martinez ត្រូវអវត្តមានក្នុងរយៈពេលបីខែចុងក្រោយនេះ។
ចំណែកខ្សែបម្រើកណ្តាល Casemiro បានរងរបួសជើងកាលពីខែមេសារដូវកាលមុន បន្ទាប់ពីបានប៉ះទង្កិចឆ្អឹងខ្នងក្នុងការប្រកួត Europa League ទល់នឹង Sevilla។
គ្រូបង្វឹកក្រុមបីសាចក្រហម Erik Ten Hag បានប្រាប់អ្នកយកព័ត៌មានកាលពីសប្តាហ៍មុនថា Martinez និង Casemiro ទំនងជានឹងត្រលប់មកវិញនៅខែនេះ។
គួរបញ្ជាក់ផងដែរ Man United ធ្វើដំណើរទៅកាន់ Wigan នៅថ្ងៃចន្ទសប្តាហ៍ក្រោយក្នុងការប្រកួតជុំទីបីរបស់ពួកគេ មុនពេលធ្វើជាម្ចាស់ផ្ទះទទួលក្រុម Tottenham ក្នុងការប្រកួត Premier League នៅថ្ងៃទី 14 ខែមករា។
Ten Hag ក៏អវត្តមានកីឡាករ Harry Maguire និង Mason Mount ជាមួយ Tyrell Malacia បន្ទាប់ពីរបួសជង្គង់នៅចុងយុទ្ធនាការ 2022-23។ អ្នកទាំងបី ក៏ស្ថិតក្នុងដំណើរនៃការវិលត្រឡប់ក្នុងខែនេះដែរ។
Ten Hag បានប្រាប់សន្និសីទសារព័ត៌មានកាលពីសប្តាហ៍មុនថា៖ «ពាក់កណ្តាលខែមករា យើងរំពឹងថាកីឡាករជាច្រើននឹងត្រឡប់មកវិញ»៕
