ក្លឹប Chelsea កំពុងសម្លឹងរកមើលការបន្ថែមក្មេងអស្ចារ្យម្នាក់ទៀត ហើយកំពុងពិចារណាលើការផ្លាស់ប្តូរសម្រាប់កីឡាករ David Odogu របស់ Wolfsburg។
កីឡាករវ័យ 17 ឆ្នាំគឺជាខ្សែការពារវ័យក្មេងដែលមានចំណាត់ថ្នាក់ខ្ពស់បំផុតនៅក្នុងប្រទេសអាល្លឺម៉ង់ និងជាផ្នែកមួយនៃយុទ្ធនាការប្រកួតបាល់ទាត់ពិភពលោកក្រោមអាយុ 17 ឆ្នាំដែលបានទទួលជ័យជម្នះនាពេលថ្មីៗនេះនៅក្នុងប្រទេសឥណ្ឌូនេស៊ី។
Odogu សង្ឃឹមថាការបង្ហាញខ្លួនដ៏គួរឱ្យចាប់អារម្មណ៍របស់គាត់នឹងនាំឱ្យមានឱកាសជាមួយក្រុមធំៗបន្ថែមទៀត ប៉ុន្តែយោងទៅតាម Sky Sport Germany បានអោយដឹងថា ឥឡូវនេះគាត់ចង់ស្វែងរកការប្រកួតប្រជែងថ្មីនៅកន្លែងថ្មី។
ហើយក្លឹបតោខៀវ Chelsea បានត្រៀមខ្លួនជាស្រេច ដើម្បីរៀបចំការពិភាក្សាដំបូងលើកិច្ចព្រមព្រៀងមួយ។ គាត់ក៏មានចិត្តចង់ផ្លាស់ទៅ Stamford Bridge និងបន្តការអភិវឌ្ឍន៍របស់គាត់នៅក្លឹបភាគខាងលិចទីក្រុងឡុងដ៍ ទោះបីជា Chelsea មិនមែនជាក្លឹបតែមួយគត់ដែលចាប់អារម្មណ៍ក៏ដោយ៕
