ក្លឹប Arsenal កំពុងពិភាក្សាជាមួយ FC Nantes ក្នុងការនាំយកខ្សែប្រយុទ្ធ Marquinhos ពីក្លឹបបារាំងក្នុងខែមករា។
កីឡាករជម្រើសជាតិប្រេស៊ីល U23 បានធ្វើដំណើរទៅកាន់ក្រុម Ligue 1 ក្នុងខែសីហា សម្រាប់លក្ខខ័ណ្ឌខ្ចីជើងពេញមួយរដូវកាល។
Marquinhos ដែលចុះហត្ថលេខាដោយក្រុមកាំភ្លើងធំនៅរដូវក្តៅឆ្នាំ 2022 ក្នុងកិច្ចសន្យារយៈពេលវែង ឥឡូវនេះអាចត្រូវត្រលប់មក Emirates វិញ នេះបើយោងតាមការចេញផ្សាយរបស់ L’Équipe។
ខ្សែបម្រើស្លាបវ័យ 20 ឆ្នាំរូបនេះបានលេងឱ្យក្រុម Arsenal ចំនួន 6 ប្រកួតដោយបានស៊ុតបញ្ចូលទីបានមួយគ្រាប់ និងបញ្ជូនបាល់ឱ្យមិត្តរួមក្រុមស៊ុតបញ្ចូលទីក្នុងការប្រកួតពានរង្វាន់ Europa League លើក្រុម FC Zurich បានមួយលើក។
Mikel Arteta បានសាទរ Marquinhos បន្ទាប់ពីការប្រកួតនោះ ហើយបាននិយាយថា៖ «គាត់ជាកីឡាករដែលមានប្រជាប្រិយភាពខ្លាំង គាត់ពិបាកក្នុងការនិយាយភាសាអងគ្លេស គ្រាន់តែស្នាមញញឹម និងអាកប្បកិរិយារបស់គាត់ គាត់បានទទួលការគោរព និងការកោតសរសើរពីមនុស្សគ្រប់គ្នានៅទីនេះ។ វាជាជំហានដ៏ធំមួយសម្រាប់គាត់ ដោយសារគាត់មិនបានលេងគ្រប់នាទីជាមួយយើង ប៉ុន្តែយើងនឹងផ្តល់ឱកាសឱ្យគាត់ ខ្ញុំគិតថាគាត់សមនឹងទទួលបានវា។ គាត់ជាកីឡាករម្នាក់ ដែលត្រូវបន្តការអភិវឌ្ឍ យើងត្រូវផ្តល់ពេលវេលា និងឱកាសដល់គាត់»៕
