ក្លឹប Everton កំពុងពិចារណាទៅលើការផ្តល់កុងត្រាអោយអតីតកីឡាករ Man Utd ម្នាក់

បរទេស៖ នេះបើយោងតាមការចេញផ្សាយរបស់ TalkSPORT បានអោយដឹងថាក្លឹប Everton បានបង្ហាញនៅបំណង់ចង់ចុះហត្ថលេខាយកកីឡាករ Jesse Lingard ដើម្បីអោយគាត់អាចបន្តលេងនៅ Premier League វិញ។ គាត់បានក្លាយជាកីឡាករគ្មានក្លឹបលេង ចាប់តាំងពីគាត់ចាកចេញពីក្លឹប Nottingham Forest កាលពីរដូវកាលមុន។

ក្រោយបានធ្វើការហ្វឹកហាត់នៅក្លឹប​ West Ham ដែលជាកន្លែងគាត់ត្រូវបានខ្ចីជើងកាលពីមុន និងនៅក្លឹប Al-Ettifaq នៅអារ៉ាប៊ីសាអូឌីត ដែលក្រោមការដឹកនាំរបស់លោក Steven Gerrard គឺកីឡាករ Lingard មិនទាន់មានក្លឹបលេងនោះទេក្នុងរយៈពេល ៦ខែនេះ។ នៅពេលនេះក្លឹប Everton ដែលកំពុងប្រឈមមុខក្នុងការកាត់ចេញពី Premier League បានធ្វើការពិចារណាទៅលើការផ្តល់កុងត្រារយៈពេលខ្លីសម្រាប់ Lingard រហូតដល់ចុងរដូវកាល៕