ខ្សែបម្រើសញ្ជាតិបារាំង Lucien Agoume នឹងទៅចូលរួមជាមួយក្លឹបនៅអេស្ប៉ាញ

បរទេស៖ នេះបើយោងតាមការចេញផ្សាយរបស់ Estadio Deportivo បានអោយដឹងថាក្លឹប Sevilla បានទទួលបានជោគជ័យក្នុងការផ្ទេរយកខ្សែបម្រើសញ្ជាតិបារាំង Lucien Agoume ក្នុងលក្ខខណ្ឌខ្ចីជើងពីក្លឹប Inter Milan។

ខ្សែបម្រើវ័យ ២១ឆ្នាំរូបនេះបានក្លាយជាកីឡាករដែលក្លឹប​ Sevilla បានចុះហត្ថលេខាផ្ទេរមុនគេនៅរដូវរងានេះ។ តាមរយៈកិច្ចព្រមព្រៀងគ្នា ក្លឹប Sevilla ក៏មានជម្រើសក្នុងការផ្ទេរកីឡាករ Agoume ជាអចិន្ត្រៃយ៍ក្នុងតម្លៃ ៨លានអឺរ៉ូ សម្រាប់ទីផ្សារដោះដូរនារដូវក្តៅខាងមុខ៕