វាជាព្រឹត្តិការណ៍ដ៏អស្ចារ្យមួយសម្រាប់ឆ្នាំ 2023 របស់ Bayern Munich នៅពេលនិយាយអំពីការផ្ទេរ។ ដោយបានគ្រប់គ្រងការចុះហត្ថលេខាលើ Harry Kane ពី Tottenham Hotspur ក្នុងតម្លៃជិត 100 លានអឺរ៉ូ។
ក្នុងរយៈពេលជាង ៦ ខែវាហាក់បីដូចជា Bayern បានសម្រេចចិត្តត្រឹមត្រូវក្នុងការចំណាយប្រាក់ដ៏ច្រើនសម្រាប់ Kane។ ខ្សែប្រយុទ្ធសញ្ជាតិអង់គ្លេសរូបនេះ បានស៊ុតបញ្ចូលទីគ្រាប់ទី 21 នៅ Bundesliga ក្នុងការប្រកួតទី 15។ គាត់កំពុងស្ថិតនៅលើផ្លូវដ៏ល្អក្នុងការបំបែកកំណត់ត្រារបស់ Robert Lewandowski នៃការស៊ុតបញ្ចូលទីច្រើនជាងគេនៅ Bundesliga។
ឆ្នាំ 2024 ក៏ត្រូវបានកំណត់ថាជាឆ្នាំដ៏គួរឱ្យចាប់អារម្មណ៍សម្រាប់ Bayern នៅពេលនិយាយអំពីការរៀបចំក្រុម និងការផ្ទេរកីឡាករ។ ក្លឹប Bayern កំពុងធ្វើការលើការបន្តកិច្ចសន្យាសម្រាប់កីឡាករសំខាន់ៗមួយចំនួនបន្ទាប់ពីការបន្តរបស់ Manuel Neuer, Sven Ulreich និង Thomas Muller។
ទន្ទឹមនឹងការឈានជើងចូលទីផ្សារក្នុងខែមករា និងរដូវក្តៅ ប្រធានក្លឹប Bayern ក៏ត្រៀមខ្លួនរួចជាស្រេចអនុញ្ញត្តឲ្យ Joshua Kimmich ចាកចេញ។
យោងតាម Bild បានអោយដឹងថាការលក់ Joshua Kimmich ព្រោះគាត់មិនមែនជាកីឡាករដែលក្លឹបពេញចិត្តប៉ុន្មានទេក្នុងពេលនេះ។ ហើយកិច្ចសន្យាបច្ចុប្បន្នរបស់ខ្សែបម្រើវ័យ 28 ឆ្នាំនៅ Bayern នឹងបញ្ចប់នៅឆ្នាំ 2025៕
