Man City បានស៊ូទ្រាំនឹងការប្រកួតដ៏តានតឹង ហើយបានបរាជ័យក្នុងការដណ្តើមយកជ័យជម្នះក្នុងបួនចុងក្រោយរបស់ពួកគេ ហើយបានធ្លាក់មកលេខរៀងទីបួនក្នុងតារាងលីគកំពូលអង់គ្លេស។
ទន្ទឹមនឹងនោះ ក្រោយចប់ការប្រកួតលោក Guardiola បានផ្តល់ព័ត៌មានអំពីរបួសកីឡាករ De Bruyne ដែលត្រូវបានដកចេញចាប់តាំងពីការប្រកួតដំបូងរបស់ពួកគេ ក្នុងរដូវកាលនេះជាមួយនឹងក្រុម Burnley។
លោក Guardiola បាននិយាយថា៖ «គាត់បានចាប់ផ្តើមរត់នៅលើទីលាន ប៉ុន្តែមិនទាន់បានហ្វឹកហាត់ជាមួយយើងទេ ។ ប្រហែលជាឆាប់ៗខាងមុខនេះ។ Kevin គឺសំខាន់ណាស់សម្រាប់យើង។ ប៉ុន្តែជាអកុសល គាត់មានរបួសយ៉ាងធ្ងន់ធ្ងរ។ យើងមិនដាក់សម្ពាធលើគាត់ពេកទេ ពេលគាត់ត្រឡប់មកវិញ យើងនឹងបើកដៃឲ្យគាត់»។
គួបញ្ជាក់ផងដែរ De Bruyne បានបង្ហាញខ្លួនសរុប 358 ប្រកួតឱ្យ Man City រហូតមកដល់បច្ចុប្បន្ន ដោយស៊ុតបញ្ចូលទីបាន 96 គ្រាប់ និង assists 153 ដង៕
