ខ្សែការពារ David Alaba របស់ក្លឹប Real Madrid បានឆ្លើយតបទៅនឹងរបាយការណ៍ដែលបង្ហាញថា គាត់អាចចាកចេញពីក្លឹបនាពេលខាងមុខនេះ។
Alaba បានចូលរួមជាមួយ Real Madrid ពី Bayern Munich ដោយគ្មានតម្លៃខ្លួននៅរដូវក្តៅឆ្នាំ 2021 ដោយជ្រើសរើសបញ្ចប់កិច្ចសន្យារយៈពេល 13 ឆ្នាំរបស់គាត់ជាមួយក្លឹបយក្សអាល្លឺម៉ង ដើម្បីស្វែងរកការប្រកួតប្រជែងថ្មី។
ក្នុងឆ្នាំដំបូងរបស់គាត់នៅ Santiago Bernabeu ខ្សែការពារ Alaba បានជួយ Los Blancos ឈ្នះ Champions League និង La Liga ពីរដង ហើយបង្កើតភាពជាដៃគូដ៏រឹងមាំនៅតំបន់ខ្សែការពារជាមួយកីឡាករ Eder Militao ។
កាយសម្បទារបស់ Alaba ក្នុងរដូវកាល 2023/24 ក៏ត្រូវបានរំខានដោយបញ្ហាសាច់ដុំភ្លៅ ខណៈពេលដែល Madrid ក៏អវត្តមានកីឡាករ Militao បន្ទាប់ពីរងរបួស ACL កាលពីដើមរដូវកាល ។
បើយោងតាម 90 MIN បានបញ្ជាក់ថា Alaba ត្រូវបានផ្សារភ្ជាប់ជាមួយនឹងការវិលត្រឡប់ទៅកាន់ក្របខ័ណ្ឌ Bundesliga ។
Alaba បាននិយាយក្នុងពេលនៅជាមួយក្រុមជម្រើសជាតិអូទ្រីសថា៖ «ខ្ញុំមានអារម្មណ៍សុខស្រួលណាស់ក្នុងទីក្រុង Madrid។ ខ្ញុំចូលចិត្ត Real Madrid ហើយខ្ញុំមានគោលដៅច្បាស់លាស់។ គំនិតរបស់ខ្ញុំមិនមានកន្លែងផ្សេងទេ»។
ទោះបីជាបេះដូងរបស់គាត់គឺច្បាស់ជាមួយ Madrid ប៉ុន្តែ Alaba ថ្មីៗនេះបានសារភាពថា គាត់បានមើលការវិវត្តរបស់អតីតក្លឹប Bayern ក្នុងរដូវកាលនេះ។
Alaba បានបន្ថែមថា៖ «ជាការពិតណាស់ ខ្ញុំតែងតែតាមដាន FC Bayern ។ ពួកគេកំពុងមានរដូវកាលល្អណាស់រហូតមកដល់ពេលនេះ។ ពួកគេត្រូវបានទម្លាក់ចេញពី Pokal ប៉ុន្តែពួកគេធ្វើបានយ៉ាងល្អនៅក្នុងក្របខ័ណ្ឌ Champions League និងនៅក្នុងក្របខ័ណ្ឌ Bundesliga»។
នៅពេលសួរថាតើក្លឹបណាល្អជាងរវាង Real Madrid និង Bayern សម្រាប់ការប្រកួតក្នុងក្របខ័ណ្ឌ Champions League នោះ Alaba បានឆ្លើយតបថា៖ «ខ្ញុំគិតថាវាអាស្រ័យលើព័ត៌មានលម្អិតជាច្រើន។ ក្រុមទាំងពីរមានគុណភាពដើម្បីឈ្នះពានរង្វាន់ Champions League ដូចគ្នា ។ ពិតណាស់គោលដៅរបស់យើងគឺ ឈរនៅកំពូលតារាងរហូតដល់ទីបញ្ចប់»៕
