ភ្នាក់ងាររបស់ខ្សែប្រយុទ្ធ Marcos Leonardo របស់ក្លឹប Santos បានបញ្ជាក់ថាកីឡាករវ័យ 20 ឆ្នាំនឹងចាកចេញពីក្លឹបនៅក្នុងទីផ្សារដោះដូរកីឡាករខែមករា។
យោងតាមសារព័ត៌មាន 90min ក្លឹប Santos បានបង្ហាញពីការចាកចេញរបស់កីឡាករ Leonardo ក្នុងរដូវរងារនេះ ដោយក្លឹបមកពីទូទាំង Premier League បានរៀបចំការផ្តល់ជូនសម្រាប់កីឡាករប្រេស៊ីលដែលមានទេពកោសល្យរូបនេះ។
ជាការពិតណាស់ទាំង Arsenal និង Manchester United បានតាមប្រមាញ់ Leonardo នាពេលថ្មីៗនេះ ខណៈដែលការប្រកួតបាល់ទាត់ពិភពលោកអាយុក្រោម 20 ឆ្នាំបានបង្ហាញថាក្លឹប Chelsea, Newcastle United និង Tottenham Hotspur ក៏ចាប់អារម្មណ៍លើកីឡាកររូបនេះដែរ។
ការចាប់អារម្មណ៍លើ Leonardo បានកើនឡើងនៅឆ្នាំ 2023 ក្នុងអំឡុងពេលរដូវក្តៅ ទាំង Nottingham Forest និង West Ham United បានពិភាក្សាគ្នា ប៉ុន្តែមិនអាចទទួលបានកិច្ចព្រមព្រៀងលើកីឡាករវ័យក្មេងរូបនេះនោះទេ ។
ភ្នាក់ងាររបស់កីឡាករនាង Rafaela Pimenta បានបញ្ជាក់ទៅកាន់ Relevo ថា៖ «គាត់ត្រូវបានក្លឹបផ្ដល់ឱកាសអោយទទួលយកបទពិសោធន៍ពីក្លឹបថ្មី។ ប៉ុន្តែស្ថានភាពកីឡារបស់ Santos គឺពិសេសណាស់។ គាត់ចង់ស្នាក់នៅបន្ត ព្រោះគាត់ចង់ជួយរហូតដល់ចុងបញ្ចប់នៃរដូវកាលនេះ។ គាត់មិនចង់ចាកចេញទេ ព្រោះវាមិនមែនជារឿងត្រឹមត្រូវដែលត្រូវធ្វើ។ ប៉ុន្តែពេលវេលាបានមកដល់សម្រាប់ការផ្ទេរ។ គាត់ចង់ទទួលបានបទពិសោធន៍នៅអឺរ៉ុប ហើយពេលវេលារបស់គាត់នឹងមកដល់នៅទីផ្សាដោះដូររដូវរងានេះ»។
ប្រភពដដែលបានរាយការណ៍ថា Santos នឹងទាមទារប្រហែល 20 លានផោនពីការចុះហត្ថលេខាលើ Leonardo ដែលបានស៊ុតបញ្ចូលទី 21 គ្រាប់ក្នុងការបង្ហាញខ្លួន 45 ដងសម្រាប់ក្លឹបក្នុងឆ្នាំនេះ៕
