យោងតាមរបាយការណ៍ Metro បានឱ្យដឹងថា Arsenal នឹងទទួលបានការចំណាយថវិកាតិចតួចបំផុត នៅក្នុងទីផ្សារដោះដូរកីឡាករខែមករា ព្រោះត្រូវរក្សាហិរញ្ញវត្ថុក្នុងក្លឹប។
ក្រុមកាំភ្លើងធំបានចាប់អារម្មណ៍លើតារាឆ្នើមរបស់ក្លឹប Brentford កីឡាករ Ivan Toney មានតម្លៃ 80 លានផោនជាគោលដៅទី 1 របស់អ្នកចាត់ការ Mikel Arteta។ Toney មិនមែនជាកីឡាករម្នាក់គត់ដែលមានទំនាក់ទំនងជាមួយ Arsenal ទេ ដោយកាំភ្លើងធំក៏បានគិតដល់កីឡាករ Dani Olmo របស់ RB Leipzig ផងដែរ។
Arsenal ក៏កំពុងតាមដានលើខ្សែបម្រើស្លាប Pedro Neto របស់ Wolves ហើយត្រូវបានគេរាយការណ៍ថា កំពុងពិចារណាលើការខ្ចីជើងសម្រាប់ Ousmane Dembele របស់ Paris Saint-Germain។
ទោះបីជាត្រូវបានផ្សារភ្ជាប់ទៅនឹងកីឡាករផ្សេងៗ បើយោងតាម The Athletic បានរាយការណ៍ថា Arsenal មិនទទួលបានការចំណាយច្រើននោះទេសម្រាប់រដូវរងាខាងមុខនេះ។
វាត្រូវបានគេគិតថា Arsenal មានការព្រួយបារម្ភអំពីការបំពានច្បាប់បញ្ហាហិរញ្ញវត្ថុ Financial Fair Play (FFP) ជាមូលហេតុដែលពួកគេជ្រើសរើសចុះហត្ថលេខាលើ David Raya ក្នុងលក្ខខណ្ឌខ្ចីជើងនៅរដូវក្តៅនេះ។
នៅពេលដែល Arsenal ស្ថិតក្នុងស្ថានភាពល្អទាក់ទងនឹង Financial Fair Play អាទិភាពដំបូងរបស់ពួកគេ គឺចុះហត្ថាលេខាជាអចិន្ត្រៃយ៍លើ David Raya។ ទន្ទឹមនឹងនេះដែរ Arsenal ក៏សម្លឹងឃើញការចុះហត្ថលេខាលើខ្សែប្រយុទ្ធ Ollie Watkins របស់ក្លឹប Aston Villa ជំនួសកីឡាករ Ivan Toney៕
