អ្នកចាត់ការក្លឹប Barcelona លោក Xavi Hernandez បានសម្លឹងឃើញ Alvarez ជាការរំពឹងទុកដ៏គួរឲ្យទាក់ទាញ។ កីឡាករវ័យ 23 ឆ្នាំរូបនេះបានដើរតួយ៉ាងលេចធ្លោសម្រាប់ Man City ក្នុងរដូវកាលនេះ ដោយរកបាន 6 គ្រាប់ និង assist 5 ដង ហើយគាត់បានបង្ហាញថា ខ្លួនមានភាពប៉ិនប្រសប់ក្នុងនាមជាខ្សែបម្រើដ៏អស្ចារ្យម្នាក់ជំនួសកន្លែងកីឡាករ Kevin De Bruyne ដែលរងរបួសផងដែរ ។ ហើយយោងតាមរបាយការណ៍មួយបានអោយដឹងថា ខ្សែប្រយុទ្ធរូបនេះ អាចនឹងមានតម្លៃផ្តាច់កុងត្រាចំនួន ៥០ លានអឺរ៉ូ ។
របាយការណ៍បានបញ្ជាក់ថា Barcelona កំពុងតែស្វែងរកអ្នកជំនួសតំណែងរយៈពេលវែងសម្រាប់ Robert Lewandowski ដែលមានវ័យ 35 ឆ្នាំ ហើយមិនអាចឈានដល់កម្រិតខ្ពស់នៅក្នុងប្រទេសអេស្ប៉ាញ ដូចដែលគាត់សម្រេចបាននៅប្រទេសអាឡឺម៉ង់ជាមួយ Bayern Munich ។
Lewandowski បានស៊ុតបញ្ចូលទីបាន 6 គ្រាប់ និង assist 4 ដងនៅគ្រប់ការប្រកួតទាំងអស់ក្នុងរដូវកាលនេះ ហើយបច្ចុប្បន្នគាត់មានរបួស ។ ដូច្នេះហើយ នៅមានមន្ទិលសង្ស័យសម្រាប់ក្លឹបថាតើវាគួរបន្តកុងត្រាគាត់ដែរឬទេ។
ខណៈពេលដែលខ្សែប្រយុទ្ធវ័យ 18 ឆ្នាំ Vitor Roque នឹងចូលរួមជាមួយក្រុម Barcelona ពី Athletico Paranaense ក្នុងខែកក្កដា ឆ្នាំ 2024 ប៉ុន្តែវាត្រូវបានគេយល់ថាក្លឹបអេស្ប៉ាញកំពុងសម្លឹងមើលខ្សែប្រយុទ្ធដែលត្រៀមខ្លួនរួចជាស្រេចដើម្បីប្រយុទ្ធ៕
