នាយកប្រតិបត្តិក្លឹប Inter Milan លោក Giuseppe Marotta បានបដិសេធមិនច្រានចោល ការត្រលប់មកវិញនាពេលអនាគត របស់អ្នកចាំទី Andre Onana របស់ក្រុម Manchester United ។
Onana បានស្ថិតក្រោមសម្ពាធយ៉ាងខ្លាំង បន្ទាប់ពីការចាប់ផ្តើមដ៏រង្គោះរង្គើក្នុងអាជីពនៅ Old Trafford របស់គាត់ ជាមួយនឹងកំហុសពេលប្រកួតជាមួយ Brentford សម្រាប់ការប្រកួត Primier League បន្ទាប់ពីមានកំហុសក្នុងការប្រកួតជាមួយក្រុម Bayern Munich និង Galatasaray ក្នុងក្របខ័ណ្ឌ Champions League ។
កីឡាករវ័យ 27 ឆ្នាំរូបនេះបានចូលរួមជាមួយ Man United ពីក្លឹប Inter Milan ក្នុងកិច្ចព្រមព្រៀងតម្លៃ 50 លានផោន ដោយមានកុងត្រារយៈពេល 5 ឆ្នាំដើម្បីស្នងតំណែង David de Gea ដែលជាកីឡាករដំបូងរយៈពេលវែងរបស់បិសាចក្រហម ប៉ុន្តែពេលនេះអនាគតគាត់ហាក់ពុំច្បាស់លាស់ទេ ក្រោយមានការរិះគន់ពីអ្នកគាំទ្រ។
កិច្ចព្រមព្រៀង Onana គឺការដោះដូរដ៏អស្ចារ្យសម្រាប់ Inter ក្រោយពីក្លឹបបានយកគាត់ពីក្លឹបយក្សហូឡង់ Ajax នៅ 12 ខែមុន ដោយមិនមានតម្លៃខ្លួន ហើយបានឱ្យក្លឹបធ្វើការចុះហត្ថលេខាលើ Yann Sommer និង Benjamin Pavard ពី Bayern Munich ។
ហើយជាមួយនឹងទម្រង់លេងរបស់ Onana ក្រោមការមើលឃើញរបស់នាយកប្រតិបត្តិ Inter លោក Marotta បានប្រាប់ Gazzetta dello Sport ពីការវិលត្រឡប់ដ៏មានសក្តានុពលទៅកាន់ San Siro ថា៖ «ខ្ញុំមិនអាចទស្សន៍ទាយអនាគតបានទេ ប៉ុន្តែនៅក្នុងបាល់ទាត់ អ្វីៗអាចកើតឡើង។ យើងបានឆ្លងកាត់ពេលវេលាដ៏អស្ចារ្យជាមួយ Onana»៕
