គ្រូបង្វឹក Menchester United លោក Erik ten Hag បានសារភាពថា វានឹងមានហានិភ័យក្នុងការប្រើ Alejandro Garnacho ក្នុងការប្រកួតនឹងក្រុម Burnley អំឡុងពេលការទទួលជ័យជម្នះ 1-0 កាលពីយប់មិញនៅកីឡដ្ឋាន Turf Moor ។
ក្រុមបិសាចក្រហមបានយកឈ្នះលើក្រុម Burnley ដើម្បីបញ្ចប់ការបរាជ័យបួនដងជាប់ៗគ្នាក្នុងការប្រកួតទាំងអស់ ហើយជាលទ្ធផលបានបន្ធូរបន្ថយសម្ពាធរបស់ពួកគេផងដែរ ។
នៅពាក់កណ្ដាលតង់ទី ២ អ្នកគាំទ្រ Man United បានចាប់ផ្តើមហៅឈ្មោះរបស់ Garnacho។ ជំនួសមកវិញ Ten Hag បានដាក់ Sofyan Amrabat ចូលលេងក្នុងតង់ទី២ ដែលជាការបង្ហាញខ្លួនលើកដំបូងរបស់គាត់សម្រាប់ក្រុមបិសាចក្រហម ។
ដោយពន្យល់ពីការសម្រេចចិត្តក្នុងការមិនដាក់ Garnacho លោក Ten Hag បាននិយាយថា៖ «Garnacho បានប្រកួតជាមួយ Munich ហើយខ្ញុំគិតថាក្រុមរបស់យើងកំពុងលេងបានយ៉ាងល្អ។ ដូច្នេះខ្ញុំនឹងមិនផ្លាស់ប្តូរទេ ព្រោះយើងត្រូវស្វែងរកពិន្ទុ។ នោះហើយជាមូលហេតុដែលខ្ញុំនឹងមិនផ្លាស់ប្តូរ»។
ខ្ញុំបានឃើញកីឡាករនៅតែមានសមត្ថភាព ហើយកម្រិតកាយសម្បទាក៏ល្អ រីឯថាមពលនៅតែមានដែរ ហើយខ្ញុំចង់បញ្ចប់ត្រឹមតែ ១-០ ប៉ុណ្ណោះ។ ខ្ញុំនឹងមិនផ្លាស់ប្តូរនោះទេ ពីព្រោះខ្ញុំក៏ដឹងដែរថា Burnley មិនអាចស្វែងរកគ្រាប់បាល់បានទេ ។
«ខ្ញុំមិនចង់និយាយថា តើវាជាការសម្រេចចិត្តត្រូវ ឬការសម្រេចចិត្តខុសនោះទេ ប៉ុន្តែនេះវាជាកាលៈទេសៈនៅលើទីលាន។ ហើយខ្ញុំអោយពួកគេលេងបន្តទៀត ព្រោះពួកគេធ្វើបានល្អ»៕
