កីឡាករ Lewis Dunk និង Evan Ferguson បានខកខានការប្រកួតបើកឆាក Europa League របស់ Brighton ទល់នឹង AEK Athens ដោយសាររបួស។
Dunk ធ្លាប់មានវត្តមានសម្រាប់ Brighton ក្នុងរដូវកាលនេះ ប៉ុន្តែអវត្តមានសម្រាប់ការប្រកួតយប់មិញ ដោយសាររបួសក្រលៀន។
ទន្ទឹមនឹងនេះដែរ Ferguson បានចាប់ផ្តើមយុទ្ធនាការដ៏អស្ចារ្យជាមួយនឹងគ្រាប់បាល់ចំនួន 4 គ្រាប់ក្នុងការបង្ហាញខ្លួន 5 លើក ប៉ុន្តែមិនបានបង្ហាញខ្លួនសម្រាប់ក្រុម Brighton លេងក្នុងការប្រកួត Europa League ជាលើកដំបូងដោយសារតែរបួសតិចតួច។
អ្នកចាត់ការក្រុម Brighton លោក Roberto De Zerbi បានអះអាងថាទាំង Dunk និង Ferguson នឹងមានវត្តមានសម្រាប់ការប្រកួតក្របខ័ណ្ឌ Premier League ជាមួយ Bournemouth នៅថ្ងៃអាទិត្យ។
De Zerbi បាននិយាយថា៖ «ជាអកុសលពួកគេមិនអាចលេងបាន ប៉ុន្តែយើងមានក្រុមដ៏ល្អ ហើយយើងអាចលេងជាមួយកីឡាករផ្សេងទៀតបាន ។ កីឡាករទាំងអស់គ្នាមានលក្ខណៈបច្ចេកទេសខុសៗគ្នា គុណភាពខុសៗគ្នា យើងទទួលយកគ្រប់លទ្ធផលដែលយើងទទួលបាន»។
នៅពេលសួរថាតើ Dunk និង Ferguson មានរបួសទេ De Zerbi បាននិយាយថា៖ «បាទ ពួកគេមានរបួស ប៉ុន្តែពួកគេនឹងលេងនៅថ្ងៃអាទិត្យ»។
និយាយអំពីការប្រកួតនៅអឺរ៉ុបលើកដំបូងរបស់ Brighton លោក De Zerbi បាននិយាយថា៖ »ជាការពិតណាស់វាជាថ្ងៃប្រវត្តិសាស្ត្រសម្រាប់យើង ប៉ុន្តែយើងត្រៀមខ្លួនរួចរាល់ហើយដើម្បីលេង ដើម្បីប្រកួតប្រជែង ហើយយើងក៏ចង់ទទួលបានជម្នះ។ ពួកយើងមានស្ទីលលេងតែមួយប៉ុណ្ណោះ។ ហើយខ្ញុំគិតថា នេះវាជាបញ្ហាប្រឈមមួយ ក្នុងការបង្ហាញទម្រង់លេងរបស់យើង ក្នុងការប្រកួតប្រជែងពានរង្វាន់អឺរ៉ុប»៕
